Samu 118:6 - The Keyagana NT and 25 OT books

⁶ Ala kava neʼmo nagae vekamogeno naha maesiyafeʼmo maiʼniyaʼmofeʼmo vayaʼmogi nagaetegamo hisaya kavafeʼmo koli osuguve.

Samu 118:6 ပူးပေါင်းရင်းမြစ်များ

Samu 112:8

Agaemo mago yafeʼmo agesa afiteno koli nosiye. Agaemo agesiyana Gotiʼa ha maeno kame vayaʼamo aeno apaka sesigeno agegaiye.

Samu 146:5

Mago vekamoʼmo hunoʼaeʼmo, Yekopu Gotiʼamoʼmo naha maegaiye, huno agesamo neʼafiya vekamoʼmo amogaga neʼaiya vekamae. Agaemo Ala kava neʼmo Gotiʼamofeʼmo alino amufa amiʼniyaʼmofeʼmo amogaga neʼaiye.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Samu 56:10

Nagaemo Gotiʼa hunoʼaeʼmo, Kaha maegauve, huno huʼniya Gotina ala agiʼamo amiguve. Nagaemo Ala kava neʼmo polomasi geʼaeʼmo nagesamo afitenaʼaeʼmo agiʼaleʼmo aliʼna asaga huguve.

Samu 56:11

Nagaemo Gotife aliʼna amufa amiʼnovaʼmofeʼmo koli osuguve. Vayalafaʼmogimo na agufa kavaʼmo hugae.

Samu 56:12

O Gotiyo, huʼna, Nagupi mafaʼnemo falisiya kavategatiʼmo alika katika ateʼnanaʼmofeʼmo nagaemo huguve, huʼna polomasi gemo huʼna kaha paiʼnova gemo nagaemo akame hino. Akame huteʼna ala kagikamo kamiguve. Nagaemo Goti aulagaleʼmo afaʼa maiʼnaya vayaʼmo ha le yategamo umenitata hisuvafeʼmo kagaemo lokiya vaika nateʼnanageʼnaeʼmo asagauʼna oʼaiʼnove.

Samu 56:4

Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Samu 56:5

Muki afinaʼaeʼmo apakaemo geʼnimo aiʼa aliʼa afe leʼa aliʼa hosu huʼa neʼatalae. Hosu kavaʼmo nagaetegamo afole aisiyafeʼmo apakesamo afige afige huʼa maiʼnae.

Samu 56:9

Nagaemo kagaefeʼmo keya aeʼna ge hisuva afinaʼmo kame vayaʼnimo apaune hegae. Gotiʼa nagae aupaligamo maiʼniye, huʼna ago afiʼnove.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

1 Samiyo 17:11

Soloʼe muki ati vayaʼaʼeʼmo ani gemo afiteʼapaeʼmo apakaemo lusi kava huʼa koli huteʼa kame hisaya lokiyaʼapimo hano huʼniye.

1 Samiyo 17:37

Ala kava neʼmoʼa laiyonimoʼa nahaesiyafeʼmo huʼniya kavapatiʼe meyamoʼa nahaesiyafeʼmo huʼniya kavapatiʼeʼmo nagufamo alino katino nateʼniya kava huno ani Filisatini vekamo ayapatiʼmo nagufamo alino katino nategaiye, huno ha paiʼnigeno Soloʼa hunoʼaeʼmo, Afaʼa uvo. Ala kava neʼmoʼa kagaeʼeʼmo lokaeno maino, huno ha paiʼniye.