Samu 118:15 - The Keyagana NT and 25 OT books

¹⁵ Afiyo, huʼna, alagepa vayaʼmogimo seli noʼapifatiʼmo apakufamo ago alino katino apateʼniya kavafeʼmo yokemo huʼapaeʼmo, Ala kava neʼmoʼa himamuʼaletiʼmo ani kavaʼmo huʼniye.

Samu 118:15 ပူးပေါင်းရင်းမြစ်များ

Samu 111:2

Ala kava neʼmoʼa aliʼyaʼmo neʼaliya kavaʼmo lusi kavane. Aliʼyaʼamo neʼaliya kavafeʼmo amuse huʼa neʼataya vayaʼmogi alagepa huʼa agesayafeʼmo lekana paiteʼa apaipa apakesafiʼmo aliʼa neʼmalae.

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:54

Nata neʼna eʼna maiʼnova nopiʼmo avoʼmo kae maleʼnaya keʼaepa gekamo yokemo huʼnove.

Samu 32:11

Alagepa vayaʼmogitapae, huʼna, Ala kava nefekeʼmo lapamogaga aitetapa amuse hiyo. Geʼamo akame nehaya vayaʼmogitapae, huʼna, lapamogaga aitetapa alopa gefatiʼmo hiyo.

Samu 45:4

Kagaemo ala kagikamo alika apavelitekaeʼmo lama gekamogi yagu yaga kavakamogi fatago kavakamogi huka ha maeka alika afole aika ato. Alika afole aika atesanafeʼmo hosileʼmo fai maiʼneka uka kamemo huka aeka apakaso. Lokiyakaletiʼmo kame huteka hapau aisaya agufa kavaʼmo hugane.

Samu 5:12

O Ala kava nene, huʼna, kagaemo fatago vayaʼmo hapa maesanageʼa alagepa huʼa maigae. Kagaemo haleguʼapigana huka faika vego huka apategane.

Samu 60:12

Gotiʼa kame vayatimo alino afepiʼmo apategaiyaʼmofeʼmo koli osuta himamuʼaletiʼmo kamemo huta aeta apaka segaune.

Samu 68:3

Apakaemo hano hugayaʼmonanafa apatenegeʼa fatago vayaʼmo apamogaga aiyo. Apatenegeʼao Goti aulagaleʼmo lusi kava huʼa apamogaga aiyo.

Samu 89:13

Himamukaletiʼmo aliʼyaʼmo neʼaline. Kayaʼmo lokiya kayaʼmo haneʼniye. Lamaga kayatetiʼmo aeka apakaseʼnane.

Samu 98:1

Lapakaemo Ala kava nefeʼmo saufa yokemo hiyo. Agaemo alopa alagepa kavaʼmo oʼageʼnona kavaʼmo huʼnigeta ageteta lahau aiʼnone. Agaemo lamaga lokiya ayatetiʼe aote himamuʼaletiʼeʼmo kamemo huno aeno apaka seʼniye.

Hatu maeno apate'niya gemae 15:6

O Ala kava nene, huʼna, lamaga kayatetiʼmo lokiya kavaʼmo huteka ala kagikamo aliʼnane. O Ala kava nene, huʼna, lamaga kayatetiʼmo kame vayaʼmo apamagika aika katali katalu huʼnane.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Luki 1:51

Ayatetiʼmo lokiya kavaʼmo huteno ala vayaʼmo maiʼnone, huteʼa, ina kavaʼmo hugune, ma kavaʼmo hugune, huʼa apakesamo neʼafiya vayaʼmo alino hapa faino apatalegeʼa u eʼa nehae.

Apa 16:34

Agaemo Poloʼe Sailasiʼeʼmo noʼafiʼmo anavalelino uno haino neʼyaʼmo anamiʼniye. Gotifeʼmo agaeʼe afamo anagaʼaʼeʼmo apakesamo afiʼa fatago huteʼa apamogaga aiʼnae.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.