Samu 116:5 - The Keyagana NT and 25 OT books

⁵ Ala kava neʼmoʼa fikumo hapa maeno apamige fatago kavaʼamo huge nehiye. Gotitimoʼmo hau huno nelateya vekamo maiʼniye.

Samu 116:5 ပူးပေါင်းရင်းမြစ်များ

Esala 9:15

O Ala kava neʼmo Isaleli vayaʼmogita Gotitimogae, huʼna, Kagaemo fatago kavaʼagekeʼmo nehana Gotigamo maiʼnanaʼmofeʼmo kagaemo lataleʼnanageta faita kasalo paeta aise vayaʼmo maiʼnone. Hemenimo kaulagaleʼmo hetita maiʼnonaʼmofeʼmo kaulagaleʼmo afaʼa he tita oʼmaigunaʼmonanafa kaulagaleʼmo hosu kavatifikeʼmo maiʼnone, huʼna nunumuʼmo huʼnove.

Samu 103:8

Ala kava neʼmoʼa hau huno apatege fiku hapa maeno apamige vase vase huno aipamo leno apatege lusi kava huno hau ayamopafiʼmo hauge nehiye.

Samu 112:4

Hani huʼniya yapiʼmo ha le yaʼmoʼa fatago vekalefeʼmo aeno ha legaiye. Agaemo fiku hapa maeno apamige hau huno apatege vayaʼaitegamo hapauʼniya kavaʼmo huge fatago kavaʼmo huge nehiye.

Samu 115:1

O Ala kava nene, huta, Kagaemo lagitilefeʼmo ha le konali lagitimo olamika kagikalefeʼmo ha le konali kagikamo aliyo.

Samu 119:137

O Ala kava nene, huʼna, fatago vekamo maiʼneka alagepa fatago kavaʼmo huka alika fako huka neʼatane.

Samu 145:17

Ala kava neʼmoʼa muki afinaʼmo ani kavaʼmo nehunoʼaeʼmo fatago kavaʼmo huge yagu yaga kavaʼmo huge nehiye.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Neniyo 9:14

Akame osuʼnonaʼmofeʼmo ani kana yaʼmo alo huka maiʼneka lamiʼnane. Ala kava neʼmo Gotitimogamo muki huʼnana kavaʼmo fatago kavaʼageʼmo huʼnanaʼmonanafa lagaemo gekamo akame osuʼnone.

Neniyo 9:7

O Ala kava nene, huʼna, Kagaemo fatago kavaʼageʼmo nehana Gotigamo maiʼnanaʼmonanafa lagaemo muki Isaleli vayaʼmogita hosu kavatimoʼmo muki afinaʼmo alopa lavagage yaʼmo alino nelamiye. Lagaemo Yuta kotega vayaʼmogitaleʼe Yulusalemu taonifi vayaʼmogitaleʼeʼmo hemenimo ani lavagage yaʼmo haneʼniye. Mago vayaʼakamo kataleʼa uʼnayaʼmofeʼmo alika hapa faika apataleʼnanageʼa uʼa haopaleʼmo maige afagitegamo maige huʼnaya vayaʼmogi apavagage hisiya kavaʼmo haneʼniye.

Neniyo 9:9

Lagaemo kaiyafi oʼmaita kataleta uʼnonaʼmonanafa kahau huka lateteka hosu kavatimo alika ataleʼnane.

Efasasi 2:4

Maiʼnonaʼmonanafa kagemi yaʼapiʼe vayaʼmogimo alopa kagemi yaʼapimo haneʼniya kava huno Gotiʼa hau huno neʼapateya kavaʼamo kagemi yaʼagana huno haneʼniya vekamoʼmo lagaefeʼmo hau ayamopafiʼmo hauʼniye.

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

1 Yoni 1:9

Lagaemo Gotifeʼmo, ani hosuʼmo kava huʼnove, ina hosu kavaʼmo huʼnove, huta aeta hakalo huta ha paisunagenoʼaeʼmo alagi alino ataleteno, afaʼa ateyo, huno huteno, muki hosu kavatimo aeno kalo paeno atalesiyafeʼmo agaemo huguve, huno hu maleʼniya geʼamo alagi akame huno fatago kavaʼamo hugiye.