Samu 116:16 - The Keyagana NT and 25 OT books

¹⁶ Ala kava nene, huʼna, aliʼyakamo neʼaluva vekamo maiʼnove. Itaʼnimoʼmo aliʼyakamo neʼaliya aʼmo maiʼniya kava huʼna maiʼnove. Hatu maeka nateʼnanageʼna afa vekamo maiʼnove.

Samu 116:16 ပူးပေါင်းရင်းမြစ်များ

Samu 119:125

Nagaemo aliʼyakamo neʼaluva vekamo maiʼnove. Nagaemo keʼaepa gekamo kavayafatiʼmo hisanageʼna gekamo aepaʼamo afisuva kavaʼmo alika namiyo.

Samu 143:12

Nagaemo aliʼyakamo neʼaluva vekamo maiʼnovaʼmofeʼmo muki afinaʼmo kahau kayamopafiʼmo kahaume kahaume neʼviya kavatetiʼmo kame vayaʼnimo kamitimo apamagige nagupi mafaʼnemo aliʼa hosu huʼa neʼataya vayaʼmo apamagige huvo.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.