Samu 115:3 - The Keyagana NT and 25 OT books

³ Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 115:3 ပူးပေါင်းရင်းမြစ်များ

Samu 103:19

Ala kava neʼmo kokuʼnapiʼmo maiʼnenoʼaeʼmo yagaino neʼapate. Muki asole vayaʼaiteʼmo yagaino neʼapate.

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 135:6

Haiya agufa kavafeʼmo hauʼnifi ani kavaʼmo nehiye. Agaemo kokuʼnapinagi ma mopafinagi solovala anipinagi afepilaga anipiʼenagi huno hisiya kavafeʼmo hauʼniya kavaʼmo nehiye.

Samu 2:4

Kokuʼnapiʼmo fai maiʼniya vekamoʼmo kigi huno apategaiye. Ala kava neʼmoʼa, afa gemo nehae, huno nehiye.

Samu 68:4

Gotifeʼmo yokemo hutapa agiʼaleʼmo alitapa asaga hiyo. Hiyapiʼmo neʼviya Gotiʼmo visiya kaʼmo valitapa ateyo. Agaemo agiʼamo Ala kava nene. Aulagaleʼmo lapamogaga aiyo.

Neniyo 4:32

Vayaʼmogi apakaetegatiʼmo aliʼa kahafaiʼa katalesageka uka kahaufilaga afuʼeʼmo maigane. Pulumaka anagaʼmogi kahaumo neʼnaya kava huka kahaumo negane. Seveniʼa kafugamo utesigeka agekaeʼmo aeno apaka seno alagi anaga Gotiʼa kini vayaʼaiteʼmo yagaino neʼapate, huka agegane. Agaemo ina laʼmo yagaigiye, huno hisifi afaʼa lekana paino atesigeno yagaigiye.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Matiyu 6:9

Lapakaemo nunumuʼmo hugefeʼmo ina ge hutapa hiyo, kokuʼnapi Afotimogae, hutapa, kagikamo alagepa huno kaote haneʼniyanageʼa aliʼa asaga hisaya kavaʼmo haneʼniye.

Lomu 9:19

Ani kavaʼmo nehiyaʼmofeʼmo kagaemo hukaeʼmo, na kava nehagenoʼaeʼmo Gotiʼa vaiʼmo neʼapamiye. Ina laʼmo Gotiʼa hauʼniya kavaʼamo alino atalegaiye, huka naha paigane.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.