Samu 115:16 - The Keyagana NT and 25 OT books

¹⁶ Kokunaʼmo Ala kava neʼmo koʼamo haneʼnigenoʼaeʼmo agaemo ma mopamo lamiʼniye.

Samu 115:16 ပူးပေါင်းရင်းမြစ်များ

Samu 148:4

Muga anaga kokuʼnaʼmogae, huʼna, agiʼaleʼmo alika asaga huvo. Anaga kokuʼnate haneʼniya aniʼmogae, huʼna, agiʼaleʼmo alika asaga huvo.

Samu 8:6

Kagaemo, alo huʼnova yateʼmo yagaika apato, huka ha paiteka muki yaʼe vayaʼeʼmo alika aiyafiʼmo apateʼnane.

Samu 89:11

Kokuʼnaʼe ma mopaʼeʼmo kagaika yaʼmo haneʼniye. Ma mopaʼe muki ma mopafiʼmo maiʼnaya vayaʼe yaʼeʼmo alo huʼnane.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

Aiyeya 45:18

Ala kava neʼmoʼa kokuʼnaʼe mopaʼeʼmo alo huʼniya Gotiʼa alino lokiya vaino ateʼniye. Vayaʼmo oʼmaisageno kaʼme koʼmo hanesiyafeʼmo alo osuʼnifa vayaʼmo ma mopafiʼmo maisayafeʼmo alo huʼniye. Agaemo hunoʼaeʼmo, Ala kava neʼmo magokeʼageʼmo maiʼnigeno magoʼe huno alu gotiʼmo oʼmaiʼniye.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Yoni 14:2

Afoʼnimoʼmo maiʼniya koteʼmo maisaya noʼmo asole nokoʼmo haneʼniye. Ohaneʼniyesinana haneʼniye, huʼna lapa opauvesine. Lapakaemo haitapa maisaya noʼmo nagaemo alo hisuvafeʼmo uʼna haiguve.