Samu 114:4 - The Keyagana NT and 25 OT books

⁴ Alopa avemogimo ve sipisipi anagaʼmogimo aeʼa hailo hailo nehaya agufa kavaʼmo huge aise avemogimo aikeli sipisipi anagaʼmogimo aeʼa hailo nehaya agufa kavaʼmo huge huʼnae.

Samu 114:4 ပူးပေါင်းရင်းမြစ်များ

Samu 18:7

Agaemo aipamo leʼniyaʼmofeʼmo imima aliʼnigeno mopamoʼmo kanage kanage huʼniye. Avemo aiyafatiʼeʼmo kanage huʼniye.

Samu 29:6

Gotiʼa Lemanoni avemoʼmo pulumakamogi apanaʼaumogimo aeʼa hailo hailo nehaya agufa kavaʼmo hisiyafeʼmo alino he tino neʼate. Agaemo Hemoni avemoʼmo ve pulumaka aikelimogimo aeʼa hailo nehaya agufa kavaʼmo hisiyafeʼmo alino he tino neʼate.

Samu 68:16

O alopa avemogae, huʼna, Na kava higekaeʼmo Gotiʼa maisiyafeʼmo lekana pai maleʼniya avemo agetekaeʼmo kaipa kafamo haeʼnane. Ala kava neʼmoʼa Saiyoni aveleʼmo maisiyafeʼmo hauʼniye. Ani aveleʼmo muki afinaʼaeʼmo maige maige huno maigiye.

Hatu maeno apate'niya gemae 19:18

Ala kava neʼmo ata vaipiʼmo maiteno emineʼniyaʼmofeʼmo Sainai avefatiʼmo halinamoʼmo huteno avemo aino atikaeʼniye. Alopa sitopufatiʼmo lusi kava huno halinamo ailino uno nehaiya kava huno halinamo aiʼnigeno avefiʼmo alopa imimaʼmo aliʼniye.

Hatu maeno apate'niya gemae 20:18

Hakalu huteno alino alave huteno aeno haleʼnigeno pikulimoʼmo age aiʼniya kavaʼmo muki vayaʼmogimo ageteʼa afiʼnae. Avefatiʼmo alopa halinamo aiʼnigeʼa ageteʼapaeʼmo koli huteʼa aveletiʼmo ataleʼa alime alime uʼa afagiʼaleʼmo he tiʼa maiʼnae.

Neyomi 1:5

Ala kava neʼmoʼa emineʼnigenoʼaeʼmo imimaʼmo aliʼnigeno muki alopa avemoʼmo kanage kanage huge muki aise avefatiʼmo hamaiʼmo alige nehiye. Eno avaʼyi hisiya afinaʼmo ma mopamo leno sagaligiye. He, Agaemo mopaʼe ma mopafi vayaʼeʼmo leno pasagaligiye.

Hamakaki 3:6

Agaemo he tino mopamo agetenoʼaeʼmo hakumo maleno apateʼniye. Apaketenoʼaeʼmo alu nofi vaya alu nofi vayaʼmo alino hapa faino apataleʼnigeʼa atagu faeʼa uʼeʼa huʼnae. Hanege hanege huno nehaneya avemo aino anakupaeno asagauno aiʼniye. Akeyaʼvilagamo haneʼnaya aveʼamo aiʼa anakupaeʼa asagau aiʼnae. Gotiʼa nehiya kavaʼmo muki afinaʼmo hanege hanege huno nehane.

Hamakaki 3:8

O Ala kava nene, huʼna, uno nelamiya anifeʼmo haoke oseʼnapiye. Uno nelamiya anifeʼmo kaipamo leʼnifiye. Solovala anifeʼmo kaipamo leʼniyaʼmofeʼmo ati vayaʼmogi hosiʼapileʼmo fai maiʼneʼa kamemo huge halauliʼa neʼvaya talalafiʼmo maiʼneʼa kame huge nehaya kava huka vayakamo hapa maesanafeʼmo eka kame huʼnane.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.