Samu 112:9 - The Keyagana NT and 25 OT books

⁹ Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 112:9 ပူးပေါင်းရင်းမြစ်များ

Samu 111:3

Aliʼyaʼamo neʼaliya kavaʼmo ala agi kavaʼmo ha le konali kavaʼmo haneʼniye. Inagi fatago kavaʼamoʼmo muki afinaʼaeʼmo hanege hanege huno hanegaiye.

Samu 112:3

Moniʼaʼe asole kagemiyaʼaʼeʼmo noʼafiʼmo hanesigeno fatago kavaʼamo hano osuno hanege hanege huno hanegaiye.

Samu 75:10

Gotiʼa hosu vayaʼai lokiyaʼapimo alino hano huno atalegaiyaʼmonanafa agaemo fatago vayaʼai lokiyaʼapimo magoʼe huno alino lokiya vaino apategaiye.

Samu 92:10

Ani kavaʼmo huʼa maigayaʼmonanafa kagaemo afela ve pulumakamo lokiyagana agufa lokiyaʼmo namiʼnane. Saufa uveliletiʼmo faleʼa apateʼnaya vayaʼmogi alagepa huʼa maiʼnaya kava huʼna maiʼneʼna namogaga neʼauve.

Samu 92:11

Naulagaleʼmo kame vayaʼnimo asagauʼa aiʼnageʼna apakeʼnove. Hosu vayaʼmogimo kagekage huʼnageʼna afiʼnove.

Mai'naya kavane 14:24

Afiteʼa ageʼnaya vayaʼmogi kagemi yaʼapimo kini vayaʼmogi kakolitagana huno haneʼniyaʼmonanafa negi vayaʼmogi kavaʼapimoʼmo negi kavaʼageʼmo haneʼniye.

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Mai'naya kavane 21:26

Muki afinaʼmo mago yaʼmo alisiyafeʼmo haʼye nehiyaʼmonanafa fatago vekamoʼmo muki yaʼamo agegeno noʼmalefa fikumo alino neʼapamiye.

Aiyeya 32:8

Nehiyaʼmonanafa fiku hapa maeno neʼapamiya vekamoʼmo fiku hapa maeno apamisiyafeʼmo agesamo neʼafiye. Agaemo ani alagepa kavaʼaletiʼmo alagepa huno he tino maigiye.

Aiyeya 58:10

apaka teʼnisiya vayaʼmo neʼyaʼmo apamige kafu hisaya vayaʼmo fikumo hapa maeta apamige hisayaʼmoʼmo hanipiʼmo hale yatapimo aeno halegaiye. Hani yatapimo alino hano huno ata lesigeno felugagana huno ha le yatapimo afole aigiye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Matiyu 6:4

Afotapimoʼmo fala kita apamisaya kavatapimo agetenoʼaeʼmo muki vayaʼai apaulagaleʼmo miyatapimo lapamigiye.

Maki 14:7

Kagemi yaʼapimo ohaneʼniya vayaʼmo muki afinaʼmo lapakaeʼeʼmo lokaeʼa neʼmaiyaʼmofeʼmo lapaisiya afinaʼmo apakaemo alagepa hutapa hapa maegayaʼmonanafa nagaemo muki afinaʼmo lapakaeʼeʼmo lokaeʼna oʼmaiguve.

Luki 11:41

Lapakaemo agotofulega sese nehayaʼmonanafa aguʼafilaga haneʼniya yaʼaʼeʼmo alita kagemi yaʼapimo ohaneʼniya vayaʼmo apamigeno lapakaetefeʼmo muki yaʼmo alagepa huno haneno.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 16:9

Nagaemo lapa nepauve, huno, ma mopafi hosu moniletiʼmo alita lapao yaʼmo hiyo. Lapakaemo falisageʼa lapao vayaʼmogi aliʼa falu fala huʼa lapatetesagetapaeʼmo nopiʼmo hanege hanege huno hanesiya noʼapifiʼmo uta haigae.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Yoni 13:29

Yutasiʼa moni kuteʼmo neʼyagaiya vekamo maiʼniyaʼmofeʼmo mago geʼamo neʼafiya vayaʼmogi, uka hopa afinaʼmo nesuna neʼyaʼmo miya faiyo, huno huʼnifi, kagemi yaʼapimo ohaneʼnisiya vayaʼaina alika fako huka apamiyo, huno huʼnifi, huʼa apakesa afiʼnae.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Apa 4:35

Apamiʼnayaʼmofeʼmo ani vayapatiʼmo mago vayaʼamogimo kafu osuʼnae.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

Leveleseni 22:11

Hosu kavaʼmo nehaya vayaʼmo afaʼa apataleʼnegeʼapao ani hosu kavaʼmo magoʼe huʼa huʼa maiyo. Oʼaniʼya kavaʼmo nehaya vayaʼmo afaʼa apataleʼnegeʼapao ani oʼaniʼya kavaʼmo magoʼe huʼa huʼa maiyo. Alagepa kavaʼmo nehaya vayaʼmo afaʼa apataleʼnegeʼapao ani alagepa kavaʼmo magoʼe huʼa huʼa maiyo. Apaote kavaʼmo nehaya vayaʼmo afaʼa apataleʼnegeʼapao ani apaote kavaʼmo magoʼe huʼa huʼa maiyo, huno naha paiʼniye.

1 Samiyo 2:1

Hanaʼmo nunumuʼmo hunoʼaeʼmo, Nagaemo naipafatiʼmo Ala kava nefeʼmo namogaga neʼauve. Ala kava nepiʼmo maiʼnogenoʼaeʼmo lokiya vaino nateteno alino asaga uno nateʼniye. Kagaemo nagufamo alika katika nateʼnanageʼnaeʼmo namogagamo neʼauvaʼmofeʼmo kame vayaʼnieʼmo kigi nehuve.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.