Samu 111:3 - The Keyagana NT and 25 OT books

³ Aliʼyaʼamo neʼaliya kavaʼmo ala agi kavaʼmo ha le konali kavaʼmo haneʼniye. Inagi fatago kavaʼamoʼmo muki afinaʼaeʼmo hanege hanege huno hanegaiye.

Samu 111:3 ပူးပေါင်းရင်းမြစ်များ

Samu 103:17

Nefalunaʼmonanafa Ala kava nefeʼmo koli huteʼa mono nehaya vayaʼaifeʼmo akeyaʼvilagatiʼmo hau huno apatelineno henagaʼamo afole aisaya afinaʼeʼmo hau huno apatelinuno hau huno apateno hano osugiye. Agaemo laha neʼmaeya kava huno alita apateʼnonanageʼa henagaʼamo aliʼa apateliʼa visaya mafaʼne anagaʼmogimo kotalake geʼamo akame huteʼa ina kavaʼmo hiyo, huno huʼniya gemo neʼafiya vayaʼmo hapa neʼmae.

Samu 112:3

Moniʼaʼe asole kagemiyaʼaʼeʼmo noʼafiʼmo hanesigeno fatago kavaʼamo hano osuno hanege hanege huno hanegaiye.

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 119:142

Fatago kavakamoʼmo hanege hanege huno muki afinaʼaeʼmo hanegaiye. Keʼaepa gekamo alagi lama gemo haneʼniye.

Samu 119:144

Kavayafatiʼmo huʼnana keʼaepa gekamo fatago kavaʼamoʼmo alagi hanege hanege huno muki afinaʼaeʼmo hanegaiye. Kagaemo gemo aepaʼamo afisuva kavaʼmo namigeʼnao afaʼa maino.

Samu 145:17

Ala kava neʼmoʼa muki afinaʼmo ani kavaʼmo nehunoʼaeʼmo fatago kavaʼmo huge yagu yaga kavaʼmo huge nehiye.

Samu 19:1

Kokuʼnateʼmo haneʼniya yaʼmoʼa Goti ha le konali yaʼaeʼmo aeno hakalo huno hapa nepaiye. Kokuʼnaʼmoʼa Goti alagepa aliʼyaʼamo alino apave neliye.

Hatu maeno apate'niya gemae 15:11

O Ala kava nene, huʼna, alu gotigipatiʼmo ina laʼmo kagaekana huno maiʼniye. Kagaemo kaoteʼmo maiʼnana alagepa kaote kavakalefeʼmo ha le konali vekamo maiʼnane. Kageteʼapaeʼmo hapau aiʼnaya kavakalefeʼmo koli huʼnae. Oʼageʼnaya agufa kaune kavaʼmo nehane. Ani agufa kavaʼmo nehana Gotigamo maiʼnanaʼmofeʼmo ina lagimo kagaekana huʼa maiʼnae.

Aiyeya 51:8

Kafamoʼmo kukena yaʼmo nehatagaiya kava huʼa apakaemo aliʼa hano huʼa apatalegae. Aliʼa hano huʼa apatalegayaʼmonanafa fatago kavaʼnimoʼa hano osuno muki afinaʼmo hanege hanege huno hanegaiye. Apakufamo aliʼna katiʼna neʼapatova vayaʼmogi muki afinaʼmo maige maige huʼa maigae.

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.