Samu 11:6 - The Keyagana NT and 25 OT books

⁶ Agaemo apakaetegamo ko aigekana huno aneʼai nofikana yaʼmo yaga augiye. Atagi ata neleya yafanagi amuko yasimogi huno hetamaʼapimo haneʼniye.

Samu 11:6 ပူးပေါင်းရင်းမြစ်များ

Aepa Gemae 19:24

Uno avaʼyi nehigenoʼaeʼmo Ala kava neʼmoʼa kokuʼnapatiʼmo atamo neleya yafaʼe ataʼeʼmo alino atalegeno Satomi taonifiʼe Gomola taonifiʼeʼmo asagauno aiʼniye.

Aepa Gemae 43:34

Yosefeʼa hiʼyalamuʼaletiʼmo neʼyaʼmo alino apamiʼnigeʼa neʼnayaʼmonanafa Menisemaniʼmo naya magokayagaʼa agufa kanaleʼmo magoʼe huno aeno apaka seno neʼyaʼmo hatino ateʼniye. Inagi apakaemo Yosefeʼeʼmo magokepi neʼyaʼmo nege aniʼmo nege nehuʼapaeʼmo apamogaga aiʼnae.

Samu 105:32

Afa koʼmo aiyo, huno osuʼnifa ko mopa koʼmo aiyo, huno huʼnigeno muki ani koteʼmo alino alave huteno lusi ko mopa koʼmo aiteno nofiʼe fiki yosaʼeʼmo amagiʼniye. Hafosa haiʼnigeno muki haopalegamo haneʼniya yosamo amagino lo aeʼniye.

Samu 16:5

Ala kava neʼmo hetamaʼnimo maiʼneno aniʼmo kapufatiʼmo neʼnova anikana huno maiʼniye. Hetamaʼnileʼmo alagepa huka yagaika neʼnatane.

Samu 18:13

Ala kava neʼmoʼa keya aeno ge huʼnigeno hakalu hakalu huʼniye. Alino alave huteno ko mopa koʼmo aiʼniye.

Samu 32:10

Hosu vayaʼmo lusi kava huʼa kana yaʼmo aligayaʼmonanafa Ala kava nefeʼmo aliʼa amufa amiʼnaya vayaʼaifeʼmo hau huno neʼapateya kavaʼamoʼmo yagaino vego huno apategaiye.

Samu 75:8

Ala kava neʼmoʼa aipamo leno neʼapateya kavaʼamoʼmo nofi alagafati aniʼmo lusi kava huno lokiya vaiʼniya anikana huno haneʼniyanageno mago kapufiʼmo havaiteʼnigeno aliʼniye. Agaemo lakisigeʼapaeʼmo muki hosu vayaʼmogimo alagi neʼa hano huʼa atalegae.

Aiyeya 51:17

Ha paiʼnigeno ina gemo hunoʼaeʼmo, O Yulusalemu vayane, huno, lapaupatiʼmo he tiyo, he tiyo. He titapa lokiya vaiyo. Ala kava neʼmoʼa aipamo neleya kavaʼmo magoke kapufatiʼmo nofi alagafati aniʼmo neteʼa negi nagi nehaya anikana huno lapamiʼnigetapa alagi netetapa negi nagi hutetapa atete huʼnae.

Aiyeya 51:22

Ala kava neʼmo vayaʼamo hapau neʼvaiya Gotitapimoʼmo hunoʼaeʼmo, Ageyo, huʼna, Nagaemo ani naipamo leʼna nelapatova kapufi aniʼmo netetapa lusi kava hutapa negi nagi nehaya kapumo lapayapatiʼmo lapa faleʼna malegauve. Halate lapakaemo magoʼe hutapa oʼnegae.

Hamakaki 2:16

Lapakaemo ala lapakitapimo oʼalisageno lapavagage hugiye. Lapakaeʼeʼmo ani kava hutapa negi nagi hisaya aniʼmo netetapaeʼmo lapakufaʼalagaʼageʼmo maigae. Ala kava neʼmoʼa lamaga ayatetiʼmo kapumo alino lapamisigeno lapavagage hisiya kavaʼmoʼa ha le konali yatapileʼmo aino ati kaegaiye.

Luki 17:29

Lotiʼa Sotomi taonifatiʼmo ataleno neʼvigenoʼaeʼmo ani afinaʼmo ataʼe atamo neleya yafaʼeʼmo ko aigekana huno kokuʼnapatiʼmo emineno muki vayaʼmo apaleno pasaga liʼniye.

Yoni 18:11

Yesuʼa Pitafeʼmo hunoʼaeʼmo, naipekamo halate anoʼafiʼmo faika falu kao. Afoʼnimoʼmo namiʼniya kapufi aniʼmo oʼnesufiye, huno ha paiʼniye.

1 Samiyo 1:4

Elakenaʼmo ofalinimo hisiya afinaʼmo afole aiʼnigenoʼaeʼmo agaemo ofalini ameʼamo alino fako huno magoke magoke huno aʼamo Penainaʼmo amige mafaʼne anagaʼamo apamige huʼniye.

1 Samiyo 9:23

Samiyoʼmo neʼyaʼmo nekaeya vekaeʼmo ha painoʼaeʼmo, Ani ameʼaeʼmo maleka maiʼno, huʼna kaha paiteʼna kamiʼnova ameʼamo alikeno, huno ha paiʼniye.