Samu 11:5 - The Keyagana NT and 25 OT books

⁵ Ala kava neʼmoʼa alagepa vayaʼmo apamalageka nehiyaʼmonanafa hosu vayanagi vayaʼmo apamagisayafeʼmo hapauʼniya vayaʼenagi huno agupi mafaʼnefatiʼmo aini huʼniye.

Samu 11:5 ပူးပေါင်းရင်းမြစ်များ

Aepa Gemae 22:1

Henagaʼamo ani kavaʼmo akamelegaʼamo Gotiʼa Emalehamuʼmo amalageka huʼniye. Agaefeʼmo keya aeno ge hunoʼaeʼmo, Emalehamuo, huno huʼnigenoʼaeʼmo Emalehamuʼa, maiʼnove, huno huʼniye.

Samu 10:3

Hosu kavaʼmo nehiya vekamoʼmo hosu kavafeʼmo haʼye nehunoʼaeʼmo, alagepa kavaʼmo nehuve, huno nehiye. Agaemo hapaʼye nehiya vayaʼmo aliʼa auleʼa neʼapateyaʼmonanafa Ala kava nefeʼmo hosu gemo huteno ataleno uʼniye.

Samu 139:1

Ala kava nene, huʼna, alagi nageka alagepa huʼnane.

Samu 17:3

Naipaeʼmo amalageka huʼnane. Kagaemo haniʼilagamo eka nagetekaeʼmo namalageka huʼnanaʼmonanafa hosu nagesamo neʼafuva kavaʼnimo oʼageʼnane. Hosu gemo osuguve, huʼna nagoʼyamo ataleteʼna gemo huʼnove.

Samu 21:8

O Kini vekae, huʼna, kagaemo muki kame vayakamo kahauya huka apakeka apatafaugane. Kagaefeʼmo apaini nehaya vayaʼmo kalavusi huka apategane.

Samu 26:2

O Ala kava nene, huʼna, Namalageka huvo. Nagesamo neʼafuva kavaʼe naipafiʼmo nahauʼniya kavaʼniʼeʼmo alika fako huvo. Hosu kavaʼmo nehufi nosufi huka kavaʼnimo alika fako huvo.

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Malakai 3:3

Agaemo atafiʼmo siluva yafaʼmo kaesigeno leno alagepa siluva yafaʼmo afole aisiyafeʼmo yagaino neʼmaiya vekagana huno afole aigiye. Agaemo Livai nofi vayaʼmogi hosu kavaʼapimo aeno kalo paeno ataleteno alino alagepa huno apategaiye. Atafiʼmo goli yafaʼe siluva yafaʼeʼmo kaeʼnageno leno kalopaeno alagepa yafaʼamo afole neʼaiya kava huno alino alagepa huno apatesigeʼa fatago kavaʼmo nehuʼapaeʼmo Ala kava neʼmo ofalinimo amigae.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Pita 4:12

Nahauʼniya vayaʼnimogitapae, huʼna, Kana yaʼmo atagana huno lapamalageka nehisigetapaeʼmo, aeto agufa kavaʼmo lagaetegamo afole neʼaiye, hutetapa lapau oʼaiyo.