Samu 108:13 - The Keyagana NT and 25 OT books

¹³ Gotiʼa kame vayatimo alino afepiʼmo apategaiyaʼmofeʼmo koli osuta himamuʼaletiʼmo kamemo huta aeta apaka segaune.

Samu 108:13 ပူးပေါင်းရင်းမြစ်များ

2 Sitoli 20:12

O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

Samu 18:42

Nagaemo aeʼna lata paiʼnogeʼa mumusopamo yasimoʼmo alino halelino neʼviya mumusopagana huʼa hamaleʼnae. Kapatiʼmo hapamo aliʼa neʼatalaya kava huʼna aliʼna yaga auʼna apataleʼnove.

Samu 60:12

Gotiʼa kame vayatimo alino afepiʼmo apategaiyaʼmofeʼmo koli osuta himamuʼaletiʼmo kamemo huta aeta apaka segaune.

Aiyeya 25:10

Ala kava neʼmoʼa laha maesiyafeʼmo ayaʼmo Saiyoni aveleʼmo malegaiyaʼmonanafa pulumaka anagaʼmogimo kahaumo apakaiʼapi aifafiʼmo aeʼa lata nepaiya kava huno kame vayatimo Movapu vayaʼmo aeno lata paigiye.

Aiyeya 63:3

Nagaemo nofi alagamo aeno lata paiʼniya vekagana huʼna aeʼna lata paiʼnogenoʼaeʼmo muki vayapatiʼmo mago naha maesiya vekamo oʼmaiʼniye. Nagaemo naipamo leʼnigeʼna lusi kava huʼna ge hapauteʼnaeʼmo apakaemo lokiya vaiʼna aeʼna lata paiʼnogenoʼaeʼmo kolaʼapimoʼmo aino lakino kukena yaʼnileʼmo aeno kamaeʼniye.

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.