Samu 107:40 - The Keyagana NT and 25 OT books

⁴⁰ Agaemo kame vayaʼapileʼmo yagaiʼnaya vayaʼmo alino afepi apateʼnigeʼa kaʼmo ohaneʼniya kaʼme kotegamo afaʼa umenitata nehae.

Samu 107:40 ပူးပေါင်းရင်းမြစ်များ

1 Kini 21:19

Kagaemo agaefeʼmo ina gemo huka ha paiyo. Ala kava neʼmoʼa kagaefeʼmo hunoʼaeʼmo, Kagaemo ani vekamo ago kamitimo amagitekaeʼmo hemenimo nofi hoyaʼaʼeʼmo alisanafeʼmo nehapiye, huno hutenoʼaeʼmo ina gemo huka ha paikaeʼmo, Kala anagaʼmogi Nemoti kolaʼmo sagani sagani huʼa neʼnaya koteʼmo kagae kolaʼeʼmo sagani sagani huʼa negae, huno naha paiʼniye, huka ha paiyo, huno ha paiʼniye.

Samu 107:4

Mago vayaʼmo aniʼmo ohaneno kaʼme koteʼmo vayaʼmo oʼmaiʼnaya kotegamo afaʼa umenitata nehuʼapaeʼmo maisaya taonieʼmo kahauya huʼnayaʼmonanafa oʼageʼnae.

Samu 78:66

Malage huno kame vayaʼamo alino hapa faino apataleʼnigeno apavagage huʼnigeʼa ataleʼa uʼnae.

Hatu maeno apate'niya gemae 8:17

Eloniʼa hayopa kayoʼamo aliʼneno aeno hayo huno mumusopafiʼmo amagiʼnigeno apakenopafi nama anagaʼmo muki vayaʼai apakufalenagi muki alu afu alu afu anagaʼmogi apakufalenagi huno afole aiʼniye. Muki mumusopamoʼmo Isipi koteʼmo apakenopafi nama anagaʼmo aliʼa hamaleʼnae.

Hatu maeno apate'niya gemae 8:24

Ala kava neʼmoʼa ani kavaʼmo huguve, huno huʼniya kavaʼmo huʼnigenoʼaeʼmo asole kosi anagaʼmo kini vekamo nopiʼmo haleliʼa uʼa haige aliʼyaʼamo neʼaliya vayaʼai nopiʼmo uʼa haige huteʼa muki Isipi kotegamo alagi aliʼa hosu huʼa ateʼnae.

Hatu maeno apate'niya gemae 8:3

Alopa aniʼmoʼmo asole eso anagaʼmo alino apatesigeʼa anipatiʼmo ataleʼa eʼa alopa nokafiʼmo uʼa haiʼa maige nehavana yapilagamo hipakafiʼmo uʼa haiʼa maige aliʼyakamo neʼaliya vayaʼmogi nopiʼmo uʼa haiʼa maige apakufaleʼmo uʼa haiʼa maige sitopufiʼmo uʼa haiʼa maige peleti mayamo nekaya yuvapafiʼmo uʼa haiʼa maige hugae.

Hatu maeno apate'niya gemae 8:4

Eso anagaʼmogimo kagae kagufaleʼmo uʼa haiʼa maige vayakamogi apakufaleʼmo uʼa haiʼa maige muki aliʼyakamo neʼaliya vayaʼmogi apakufaleʼmo uʼa haiʼa maige hugae, huka ha paiyo, huno ha paiʼniye.

Neniyo 4:33

Inagi ani afinaʼmo Nepukanesafeʼmo ha paiʼniya gemo afole aiʼnigeʼa vayaʼmogi apakaetegatiʼmo aliʼa hafai atalageno pulumakagana huno kahaumo neʼniye. Lao yaʼmoʼa kokuʼnapatiʼmo emineno agufaleʼmo alino lanitani huʼniye. Ayokaʼmo hakiki namamo ayokakana huno aeʼniye. Aginagomo namamo aginagogana huno huʼniye.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Leveleseni 19:18

Lapakaemo kini vayaʼai apakufafatiʼmo apameʼamo nege ati vayaʼaiteʼmo yagaiʼa neʼapataya vayaʼai apakufafatiʼmo apameʼamo nege lokiya vayaʼai apakufafatiʼmo apameʼamo nege hosi anagaʼai apakufafatiʼmo apameʼamo nege hosileʼmo fai maiʼnaya ati vayaʼai apakufafatiʼmo apameʼamo nege muki vayaʼmo afaʼa maiʼnaya vayanagi kalavusi aliʼyaʼmo neʼaliya vayanagi hutapa apakufafatiʼmo apameʼamo nege apaki haneʼniya vayaʼai apakufafatinagi apaki ohaneʼniya vayaʼai apakufafatinagi hutapa eta apameʼamo nege hugae, huno hapa paiʼniye.

1 Samiyo 5:9

Aliniʼa uʼnageno Ala kava neʼmoʼa ani taonifiʼmo maiʼnaya vayaʼeʼmo lusi kava huno himamuʼaletiʼmo apamagiʼniye. Agaemo afa vayaʼe apaki haneʼniya vayaʼeʼmo hosu apausageʼmo apamaeʼniya kavaʼmo huʼniye.

1 Samiyo 6:4

Apakaemo huʼapaeʼmo, Inagi lagaemo na agufa ofalinimo Gotina amisune, huʼa ge huʼa apafigeʼnageʼapaeʼmo, Goliletiʼmo alita lapaya magokayagaʼa lapausageʼmo lapakufaleʼmo lapamaeʼniya auneʼamo alo huge lapaya magokayagaʼa kafamo auneʼamo alo huge hutetapa kotalake kesiʼeʼmo apamigeʼa aliniʼa viyo. Alopa kaitaʼmo lahapauʼniya kava hutapa kini vayatapimo kaitamo hapauʼniyaʼmofeʼmo lapaya magokayagaʼa auneʼamo alo hiyo. Kini vayatapimo lapaya magokayagaʼa vayaʼmo maiʼnaya kavatefeʼmo alo hiyo.