Samu 107:32 - The Keyagana NT and 25 OT books

³² Apakaemo aliʼa anupa huʼa maisayateʼmo ala agiʼamo amiyo. Apakaemo vayatama vayaʼmogi aliʼa anupa huʼa maisayateʼmo agiʼaleʼmo aliʼa asaga huʼa ateyo.

Samu 107:32 ပူးပေါင်းရင်းမြစ်များ

Samu 111:1

Ala kava neʼmo agiʼaleʼmo alita asaga hiyo. Nagaemo muki naipafatiʼmo fatago vayaʼmo aliʼa anupa huʼa maiʼnayategamo Ala kava neʼmo agiʼaleʼmo aliʼna asaga huguve.

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Samu 18:46

Ala kava neʼmo afaʼageʼmo maiʼniye. Nagufamo alino katino neʼnateya Goti agiʼaleʼmo alita asaga higetao.

Samu 22:22

Naganaʼnimogifeʼmo kagaemo naha maeʼnana kavafeʼmo nava gemo aeʼna hakalo huʼna hapa paiguve. Aliʼa anupa huʼa neʼmaiya vayaʼai folagapatiʼmo kagikaleʼmo aliʼna asaga huguve.

Samu 22:25

Asole vayaʼmo aliʼa anupa huʼa neʼmaiya folagapatiʼmo kagikaleʼmo aliʼna asaga huguve. Kagaefeʼmo mono nehaya vayaʼai apaulagaleʼmo kagaefeʼmo ani kavaʼmo huguve, huʼna kaha paiʼnova kavaʼmo huguve.

Samu 26:12

Nagaemo alagepa kateʼmo neʼuve. Goti vayaʼamogi aliʼa anupa huʼa neʼmaiya yategamo uʼna Ala kava neʼmo agiʼaleʼmo aliʼna asaga huguve.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.

Samu 99:5

Lapakaemo Ala kava neʼmo Gotitimo agiʼaleʼmo alita asaga hutapa ateyo. Aiyafiʼmo maiʼnetapa agaefeʼmo mono hiyo. Agaemo alagi aote Gotiʼmae.

Samu 99:9

Ala kava neʼmo Gotitimoʼmo aote vekamo maiʼniyaʼmofeʼmo agiʼaleʼmo alita asaga hutapa atetetapaeʼmo aote agaiʼa aveleʼmo agaetefeʼmo mono hiyo.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Aiyeya 12:4

Kagaemo ani afinaʼmo ina gemo hugane. Ala kava neʼmo agiʼaleʼmo alita asaga hiyo. Agaefeʼmo agimo aeta keya aeyo. Muki nofi vayaʼaifeʼmo alopa aliʼyaʼmo neʼaliya kavafeʼmo aeta hakalo hiyo. Ala agiʼamo aliʼniye, hutapa hiyo.

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.