Samu 105:8 - The Keyagana NT and 25 OT books

⁸ Agaemo muki afinaʼmo agaiʼamo hu maleʼniya kotalake geʼaeʼmo agesamo afiteno oʼataleno akame nehiye. Vayaʼmo afole aite afole aite hume hume neʼvisagenoʼaeʼmo afole aigiye, huno huʼniya geeʼmo age okanino agesamo neʼafiye.

Samu 105:8 ပူးပေါင်းရင်းမြစ်များ

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Samu 105:42

Agaemo aliʼyaʼamo neʼaliya vekamo Emalehamufeʼmo ani kavaʼmo huguve, huno hu maleʼniya geʼaeʼmo agesamo afiʼniyaʼmofeʼmo ani kavaʼmo huʼniye.

Samu 106:45

Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.

Samu 111:5

Agaemo agaefeʼmo koli nehaya vayaʼmo neʼyaʼmo neʼapamiye. Muki afinaʼmo kotalake geʼaeʼmo agesamo neʼafiye.

Samu 111:9

Agaemo vayaʼalefeʼmo miya faino hatu maeno apateteno kotalakemo hano osisiya kotalakemo apakaeʼeʼmo hu maleʼniye. Aote agiʼamo haneʼnigeno agaefeʼmo koli hisaya kavaʼmo neʼapamiya Gotiʼmo maiʼniye.

Hatu maeno apate'niya gemae 2:24

Apakaemo aliʼa apamalagiʼnagenoʼaeʼmo Gotiʼa afiteno Emalehamufenagi Aisakifenagi Yekopufenagi huno Kenani kotega mopamo lapamiguve, huno hapa paiʼniya kotalakeʼaeʼmo agesamo afiʼniye.

Neniyo 9:4

Nagaemo Ala kava neʼmo Gotiʼnimofeʼmo nunumu huʼna hosu kavatieʼmo aeʼna hakalo huʼnaeʼmo, O Ala kava nene, huʼna, kagaemo aeka apaka seʼnanageta kagaefeʼmo koli nehuna Gotigae, huʼna, muki afinaʼmo kagaefeʼmo hapau apayamopafiʼmo hapauge keʼaepa gekamo akame huge nehaya vayaʼeʼmo magokepi kotalakemo hu maleʼnana gekamo akame huka kahau huka neʼapatane.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Yasuva 21:43

Inagi Ala kava neʼmoʼa Isaleli vayaʼmogi apakinago vayaʼaifeʼmo agoʼyamo ataleno polomasi gemo huno hapa painoʼaeʼmo, muki mopamo lapamiguve, huno hapa paiʼniya mopamo ago apamiʼniye. Apakaemo muki ani mopamo aliteʼapaeʼmo ani mopaleʼmo alagi maiʼnae. Maiʼnagenoʼaeʼmo Ala kava neʼmoʼa alagepa afinaʼmo apamiʼnigeʼa kame osuʼa maiʼa haga leʼnae. Ala kava neʼmoʼa agoʼyamo ataleteno hapa paiʼniya kavaʼmo huno muki kame vayaʼapimo apavaleno apayapiʼmo apateʼnigeʼa kame huʼa alagi aeʼa apaka seʼnae. Ala kava neʼmoʼa ani kavaʼmo huguve, huno hapa paiʼniya polomasi gelefeʼmo muki ani kavaʼamo alagi ago huʼniye. Magoke geʼamo alagi asagauno oʼaiʼniye.