Samu 105:12 - The Keyagana NT and 25 OT books

^12-13 Aise vayaʼamogimo ina agufa nata vayaʼmo maiʼneʼapaeʼmo uʼa mago nofi vayaʼai mopaleʼmo maigeʼa atale uʼa mago alu nofi vayaʼai mopaleʼmo maigeʼa atale uʼa ani kava huʼa mago kini vekamoʼmo yagaiʼniya mopaleʼmo uʼa maigeʼa atale uʼa mago alu kini vekamoʼmo yagaiʼniya mopaleʼmo maige maige huʼa maiʼnae.

Samu 105:12 ပူးပေါင်းရင်းမြစ်များ

Aepa Gemae 17:8

Hemenimo maiʼnana mopamo Kenani nofi vayaʼai mopalekeʼmo kalagaʼmo eka maiʼnane. Hiyaʼmonanafa mani muki mopaʼamo kagaikagi kaginago vayaʼenagi huʼna lapamisugeno alagi lapakaitapi mopamo hanesigeʼna Gotitapimoʼnamo maiguve.

Aepa Gemae 23:4

Nagaemo kalaga hageʼna kalaga vekamo eʼna lapakae folagapiʼmo maiʼnove. Aʼnimo ago faliʼniyanageʼna kiʼna atesuvafeʼmo mago mopamo miya faigesuve, huno ge huno apafi geʼnigeʼapaeʼmo

Aepa Gemae 34:30

Inagi Yekopuʼa Simiyoniʼe Livaiʼefeʼmo hana painoʼaeʼmo, lanakaemo lusi kana yaʼmo alitana namiʼnaʼanageʼna muki mani kote vayaʼai apaulagaleʼmo hosu atumo neʼaiya yakana huʼna maiguve. Lagaemo aise vayaʼmo maiʼnonaʼmofeʼmo Kenani vayaʼe Pelesi vayaʼeʼmo aliʼa anupa huteʼa nagaeʼe afamo anagaʼniʼeʼmo kamemo lahaegae, huno huʼnigeʼanaeʼmo

Hatu maeno apate'niya gemae 6:4

Nagaemo apakaeʼe kotalakemo magokepi hu maleteʼnaeʼmo inagi nagaemo Kenani nofi vayaʼmo kalaga vayaʼmo uʼa maiʼnaya mopamo aliʼna apamiguve, huʼna hapa paiʼnove.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Apa 7:5

Gotiʼa mago hoyamo vaisiyafeʼmo aise mopamo oʼamiʼniyaʼmonanafa Emalehamuʼa anamo vekamo maiʼnigenoʼaeʼmo ani mopamo kamisugeʼapaeʼmo kaginago vayaʼmogimo aligae, huno ha paiʼniye.

Himulu 11:12

Huʼniyaʼmofeʼmo magoke vekamo alagi ago hogoʼamo falisiyafeʼmo huʼniya vekafatiʼmo asole aginago vayaʼmo kokuʼnate asole kanefiʼmo haneʼniyanageta lekana opaige ani kahaepamo lekana opaige hisuna agufa aginago vayaʼmo afole aiʼnae.

Himulu 11:9

Agesamo afino fatago huʼniya kavatetiʼmo Gotiʼa polomasi gemo ha painoʼaeʼmo, mago mopamo kamiguve, huno ha paiʼniya kotegamo alu nofi vayaʼai mopaleʼmo kalaga vekamo seli nopiʼmo maiʼniye. Gotiʼa Emalehamufeʼmo, fikumo kaha maeʼna kamiguve, huno ha paiʼniya polomasi gemo hana paiʼniya vekalaʼmo Aisikiʼe Yekopuʼeʼmo seli noʼapifi noʼapifiʼmo magokepi lokaeʼa maiʼnae.