32 Agaemo mopaleʼmo aulu haeno neʼagegenoʼaeʼmo mopamoʼmo atete nehiye. Agaemo aveleʼmo ayatetiʼmo ame neʼaligenoʼaeʼmo avefatiʼmo halinamo neʼaiye.
Mopamogae, huʼna, Ala kava neʼmoʼmo emineʼniyanagi koli huteka ateteʼmo huvo. He, Yekopu vayaʼmogi Gotiʼapimo emineʼniyanagi kamoʼyamo aiyo.
Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.
O Gotiyo, huʼna, Aniʼe aniʼeʼmo kageteʼapaeʼmo koli huʼnae. Solovala afepilegatiʼmo atete huʼniye.
Kagaemo solovala aniʼmo folagapiʼmo uʼnane. Kagae kakamo alopa solovala aniʼmo falagapiʼmo haneʼniyaʼmonanafa lagaemo kaiyakamo oʼageʼnone.
Ala kava neʼmo ata vaipiʼmo maiteno emineʼniyaʼmofeʼmo Sainai avefatiʼmo halinamoʼmo huteno avemo aino atikaeʼniye. Alopa sitopufatiʼmo lusi kava huno halinamo ailino uno nehaiya kava huno halinamo aiʼnigeno avefiʼmo alopa imimaʼmo aliʼniye.
Avemogimo kageteʼapaeʼmo kanage kanage huʼnae. Alopa aniʼmo emineʼniye. Aniʼmo vasilonaʼafatiʼmo fugaligali huteno alopa agemo aiʼniye.
Halate alopa gefatiʼmo ge huʼapaeʼmo, Haleluya, Atamoʼmo leno saga liʼnigenoʼaeʼmo halinaʼamoʼmo muki afinaʼmo aino hano osuno ailino eno haine neʼe, huʼa huʼnae.
Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.