Samu 104:24 - The Keyagana NT and 25 OT books

²⁴ O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Samu 104:24 ပူးပေါင်းရင်းမြစ်များ

Aepa Gemae 1:31

Huteno Gotiʼa muki alo huʼniya yaʼaeʼmo agetenoʼaeʼmo alagi alagepa yaʼageʼmo haneʼniye, huno ageʼniye. Hani huteno ko tiʼnigenoʼaeʼmo napa sikisi afinaʼmo afole aiʼniye.

Samu 107:24

Ala kava neʼmo aliʼyaʼamo agege solovala aniteʼmo huʼniya kavaʼamo ageteʼa hapau aiʼnaya kavaʼmo agege huʼnae.

Samu 107:31

O, huʼna, Vayaʼmogimo Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavaʼaeʼmo hao ke heyo.

Samu 136:5

Agaiʼamo afiteno ageʼniya kavaʼaletiʼmo muki kokuʼnaʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 148:7

Lapakaemo muki ma mopafatiʼmo Ala kava neʼmo agiʼaleʼmo alita asaga hiyo. Alopa noyame anaganagi solovala aniʼmo afepilagamo vasilonafiʼmo maiʼnaya yaʼmogitapagi, huta, Ala kava neʼmo agiʼaleʼmo alita asaga hiyo.

Samu 24:1

Ma mopamo Ala kava neʼmo mopamae. Muki ma mopafiʼmo haneʼniya yaʼmo agaiʼa yaʼageʼmo haneʼniye. Ma mopaʼe ma mopafi vayaʼeʼmo agaiʼa mopamo hanege agaiʼa vayaʼmo maige huʼnae.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 65:11

Kagaemo lusi kava huka lagaeteʼmo alagepa kavaʼmo huka asole neʼyaʼmo afole aisiya kavaʼmo nehane. Haiya haopalegamo neʼvapi ani haopalegamo asole alagepa neʼyaʼmo afole neʼaiye.

Samu 8:3

Nagaemo kokuʼnate yaʼmo kayatetiʼmo alo huʼnana yaʼmo kaiʼe muki kanefiʼeʼmo alo huka maleʼnana yafeʼmo nagesamo afiteʼnaeʼmo, ma mopafi vayaʼmo ina agufa vayanagi na kava higeka apakaefeʼmo kagesamo neʼafine. Na kava higeka vemo mafaʼnemo ha neʼmane.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Lomu 11:33

Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.

Efasasi 1:8

Lusi kava huno laha maeno lamitenoʼaeʼmo ageteta neʼafuna kavaʼe alagepa huta lagesamo neʼafuna kavatiʼeʼmo lamiʼnigeta aliʼnone.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.