Samu 103:4 - The Keyagana NT and 25 OT books

⁴ Falisuva kavapatiʼmo miya faino hatu maeno neʼnate. Ala kava neʼmoʼa ala nagiʼnimo namitenoʼaeʼmo nagaefeʼmo hau ayamopafiʼmo hauʼnigenoʼaeʼmo hau huno neʼnate.

Samu 103:4 ပူးပေါင်းရင်းမြစ်များ

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Samu 103:12

Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 21:3

Kagaemo agaeʼeʼmo fotu hisanafeʼmo eka alika auleka ateʼnana yaʼmo amiʼnane. Kagaemo goli yafaʼmo haneʼniya kini kakolitamo agenopaleʼmo maleka ateʼnane.

Samu 34:22

Ala kava neʼmoʼa aliʼyaʼamo neʼaliya vayaʼai apakupi mafaʼnemo miya faino alino katino neʼapate. Agaefeʼmo aliʼa amufa amiʼnaya vayapatiʼmo magoke vekaeʼmo, hosu vekamo maiʼnane, huno huteno alagi alino hafaino oʼatalegaiye.

Samu 5:12

O Ala kava nene, huʼna, kagaemo fatago vayaʼmo hapa maesanageʼa alagepa huʼa maigae. Kagaemo haleguʼapigana huka faika vego huka apategane.

Samu 65:11

Kagaemo lusi kava huka lagaeteʼmo alagepa kavaʼmo huka asole neʼyaʼmo afole aisiya kavaʼmo nehane. Haiya haopalegamo neʼvapi ani haopalegamo asole alagepa neʼyaʼmo afole neʼaiye.

Samu 8:5

Kagaemo vemo mafaʼnemo alika atege enisole vayaʼmo alika apatege huʼnanageʼapaeʼmo enisole vayaʼmogimo aise afinaʼmo aeʼa agaseʼa maiʼnae. Enisole vayaʼai apaiyafiʼmo alika ateteka ha le konali yaʼaʼe ala agiʼaʼeʼmo amiʼnane.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

1 Pita 5:4

Hogote vekamo sipisipileʼmo yagaino neʼapateya kava vekamo emineno afole aisigetapaeʼmo ha le konali yatapimo alagi hano osisiya hetamatapimo aligae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.