Samu 103:12 - The Keyagana NT and 25 OT books

¹² Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 103:12 ပူးပေါင်းရင်းမြစ်များ

2 Samiyo 12:13

Neviniʼa Netanifeʼmo ha painoʼaeʼmo, Nagaemo Ala kava netegamo hosu kavaʼmo huʼnove, huno huʼnigeno Netaniʼmo hunoʼaeʼmo, Ala kava neʼmoʼa hosu kavakamo alino ataleʼniyanageka afa ofaligane.

Samu 113:3

Yegemo haine neʼeya haopalegatiʼe uno yegemo uno nelamiya haopalegatiʼeʼmo Ala kava neʼmo agiʼaleʼmo alitapa asaga hiyo.

Samu 50:1

Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Aiyeya 45:6

Muki ma mopafi vayaʼmo yegemo haine neʼeya kotega vayaʼmogiʼe yegemo uno lamino nefaleya kotegamo maiʼnaya vayaʼmogiʼeʼmo nageʼa aeto hisayafeʼmo ani kavaʼmo huguve. Nagaemo magokeʼageʼmo Ala kava neʼmo maiʼnogeno magoʼe huno alu gotiʼmo oʼmaiʼniye, huʼa nagegae.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Maika 7:19

Halate alu agesamo afiteno lagaefeʼmo hau ayamopafi hausigeno hosu kavatiʼeʼmo kame huno aeno aga seteno hosu kavatileʼmo yagaino ategaiye. Kagaemo muki hosu kavatimo alika yaga auka atalesanageno solovala aniʼmo afepilagamo lusi vasilonafiʼmo uno lamigiye.

Himulu 10:2

Alagi alino alagepa huno apateʼniyesinana magoʼe huʼa Gotiʼmo ofalinimo alagi oʼamiʼnaesine. Mono huʼnaya vayaʼmo aeno kalo paeno apateʼniyesinana apakupi mafaʼnemoʼmo hosu kavaʼapimo haneʼniye, huno osuʼniyesine.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.