Samu 101:2 - The Keyagana NT and 25 OT books

² Ageʼna aeto huteʼnaeʼmo afiteʼna vaiʼmo alagi oʼalisuva kateʼmo uguve. Hainu afinaʼmo nagaetegamo egane. Nagaemo noʼnifiʼmo maiʼneʼnaeʼmo aliʼyaʼnimo neʼaliya vayaʼaiteʼmo yagaiʼna apateʼneʼnaeʼmo vaiʼmo alagi oʼalisuvana alagepa kavaʼageʼmo huʼna maiguve.

Samu 101:2 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Samu 101:6

Nagaemo Goti geʼamo oʼataleʼa akame nehaya vayaʼaifeʼmo amuse huʼna apatesugeʼa nagaeʼeʼmo magokepi lokaeʼa maigae. Aigofe gemo nosaya vayaʼmogigeʼmo aliʼyaʼnimo aligae.

Samu 119:106

Nagaemo huʼnaeʼmo, Alika fako nehana gekamo fatago gemo akame huguve, huʼna nagoʼyamo ataleteʼna ago kaha paiʼnove.

Samu 119:115

Hosu kavaʼmo nehaya vayaʼmogitapae, huʼna, nagaetegatiʼmo ataletapa viyo. Gotiʼnimoʼmo hiyo, huno huʼniya gemo akame huguve.

Samu 26:11

Hosu kavaʼmo nehayaʼmonanafa nagaemo fatago kavaʼmo nehuvanagi kahau huka nateteka nagufamo alika katika nato.

Samu 40:17

Inagi nagaemo afa vekamo maiʼneʼna kafu huʼna maiʼnovaʼmonanafa Ala kava neʼmoʼa nagaefeʼmo agesamo neʼafiye. O Gotiyo, huʼna, naha maeka nagufamo alika katika neʼnatana vekaʼnimogae, huʼna, afaʼa oʼmaika malage huka naha mao.

Hatu maeno apate'niya gemae 20:24

Lapakaemo mago mopamo alitetapaeʼmo nagaetefeʼmo ofalinimo hisaya yaʼmo malesaya hiʼyalamuʼmo hugae. Ani hiʼyalamuteʼmo sipisipi ofalinimofi pulumaka ofalinimofi hutapa atafiʼmo kaetapa alagi asagalitapa namige nagaeʼe lapakaeʼeʼmo magoke laipa lagesamo alita maisuna ofalinimo namige hugae. Nagaemo lekana pai malesugetapa maiʼnetapa mono hisageʼna ala nagiʼnimo alisuva mopaleʼmo lapakaetegamo emiʼneʼnaeʼmo alagepa hutapa maiyo, huʼna lapa paiguve.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

1 Samiyo 22:14

Ahimalekiʼmo geʼaleʼmo aeno atagaina hunoʼaeʼmo, Neviniʼmo alagi alagepa aliʼyaʼmo neʼaliya vekamo maiʼneno gekamo akame nehiye. Kayemokamoʼmo maiʼneno gekamo afiteno aliʼyakamo alagepa huno neʼaliye. Mago aliʼyakamo neʼaliya vekamoʼmo agaemo aeno oʼagaseʼniye. Afamo anaga vayaʼmogi ala agiʼamo neʼamiye.