Samu 100:4 - The Keyagana NT and 25 OT books

⁴ Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

Samu 100:4 ပူးပေါင်းရင်းမြစ်များ

Samu 122:2

Uta avaʼyi huteta uta haita maiʼnetaeʼmo, O Yulusalemuo, huta, lagaemo eta kagae yafa lafi kegiʼyafiʼmo he tita maiʼnone, huta nehune.

Samu 122:4

Muki nofi vayaʼmo faleʼa uʼa haiʼnae. Ala kava neʼmo nofi vayaʼamogimo Ala kava nefekeʼmo hao ke hesayafeʼmo Isaleli vayaʼmo Goti geʼamo afisayategamo uʼa haite haite huʼnae.

Samu 65:1

O Gotiyo, huʼna, Saiyoni taonifiʼmo uta anonatilefeʼmo kagikaleʼmo alita asaga hugune. Lagaemo kagaefeʼmo polomasi gemo hu maleʼnona kavaʼmo hugune.

Samu 66:13

Nagaemo kana yaʼmo aliʼneʼnaeʼmo atafiʼmo leno saga neliya ofalinimo kamiguve, huʼna polomasi gemo huʼnove. Nagaemo ani ofalinimo aliniʼna mono nokafiʼmo uʼna haiguve. Kamiguve, huʼna, Polomasi gemo huʼna kaha paiʼnova gemo akame huʼna miya faiʼna kamiguve.

Samu 95:2

Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.

Samu 96:2

Ala kava nefeʼmo yokemo hutetapa agiʼaleʼmo alita asaga hiyo. Lagufamo alino katino lateʼniye, hutapa muki afinaʼae afinaʼaeʼmo aeta hakalo hutapa hapa paiyo.

Samu 96:8

Ala agiʼamo haneʼniyaʼmofeʼmo agiʼaleʼmo alita asaga hutetapa ofalinimo alinita agaetegamo eyo.

Samu 99:3

Muki vayaʼmogimo ala agiʼamo haneʼniyanageʼa kini vekamo agiʼaleʼmo aliʼa asaga hugae. Agaemo alagi aote Gotiʼmae

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.