Samu 100:3 - The Keyagana NT and 25 OT books

³ Agetapa aeto hutetapaeʼmo Ala kava nefeʼmo, Gotiʼmae, hutapa hiyo. Lagaemo lagaitimo alo osuʼnopa agaiʼamo alo huno lateʼniyaʼmofeʼmo lagaemo agaiʼa vayaʼmo maiʼnone. Lagaemo vayaʼamo maiʼneta sipisipiʼamo agae kegiʼyafiʼmo haita maiʼnonagenoʼaeʼmo yagaino lateʼniye.

Samu 100:3 ပူးပေါင်းရင်းမြစ်များ

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Samu 12:4

Apakaemo, getiletiʼmo afaʼa huta aeta apakasegaune. Lahauʼniya gemo afaʼa hugune. Ina laʼmo yagaino nelate, huʼa nehae.

Samu 149:2

Isaleli vayaʼmogitapae, huʼna, Alo huno lapateʼniya Gotitapimofeʼmo lapamogaga aiyo. Saiyoni taonifi vayane, huʼna, kini vekatapiyeʼmo lapamogaga aiyo.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 78:52

Apamagiʼniyaʼmonanafa sipisipimo apavaleliʼa neʼvaya kava huno vayaʼamo kaʼme kotegamo apavalelino uʼniye.

Samu 79:13

Inagi lagaemo vayakamo ina kava huta sipisipi anagakamogitamo muki afinaʼae afinaʼaeʼmo kahaoke hegaune.

Samu 95:3

Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Aiyeya 63:11

Gotiʼa kame huno apateteno akeyaʼvilagamo Moseseʼe vayaʼamogiʼeʼmo geʼapimo huʼapaeʼmo, Haiyaʼalegamo sipisipiʼaleʼmo yagaiʼniya vekaʼe Isaleli vayaʼeʼmo solovala anipatiʼmo apakufamo alino katino apateʼniya Gotiʼmo maiʼniye, huʼa huge, Haiyaʼalegamo Aunemeʼamo alino apakaepiʼmo ateʼniya Gotiʼa maiʼniye, huʼa huge huʼnaya geʼapieʼmo halate agesamo afiʼniye.

Aiyeya 63:19

Lagaemo akeyaʼvilagamo maiʼnaya vayaʼmo alagi yagaika oʼapateʼnana agufa vayakana huta hamaleʼnone. Kagaemo apakaeteʼmo kagikamo oʼmaleʼnane.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.