Samu 10:9 - The Keyagana NT and 25 OT books

⁹ Laiyonimoʼmo fala nekiya kava huno kagemi yaʼapimo ohaneʼniya vayaʼmo apatafausiyafeʼmo fala kino maiteno yagaino maiʼniye. Umeniʼaletiʼmo neʼapatafaiye.

Samu 10:9 ပူးပေါင်းရင်းမြစ်များ

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 140:5

Himuʼnamu vayaʼmogimo natafausiyafeʼmo aneʼaiʼmo hanagi malege kaʼnileʼmo umenimo malege nehae.

Samu 17:12

Hapaesayafeʼmo yagaiʼa maiʼnaya laiyonigana huʼa maige fala kino maiʼniya aikeli laiyonigana huʼa maige huʼnae.

Samu 37:14

Hosu vayaʼmogi hosu yaʼmo neʼaliya vayaʼe ina agufa vayaʼeʼmo afaʼa apateʼneʼa api kavaʼmo nehaya vayaʼmo naipeletiʼmo apaisayafeʼmo asagige atiletiʼmo hapaesayafeʼmo atimo alige huʼnae.

Samu 59:3

Apakaemo apako fala kiʼa maiʼneʼa kamitimo namagisageʼna falisuvafeʼmo nehae. Apakaemo hosu kame vayaʼmo aliʼa anupa huʼa maiʼneʼa nagaeʼeʼmo kamemo hisayafeʼmo nehae. O Ala kava nene, huʼna, Apakaemo hosu kava anonaʼnilefeʼmo nosafa nagaetegamo fikumo hosu kavaʼmo hisayafeʼmo nehae.

Mai'naya kavane 14:31

Mago vekamoʼmo kagemi yaʼapimo ohaneʼniya vayaʼmo alu kana ya alu kana yaʼmo alino apamisiyaʼmoʼmo alo huno ateʼniya vekaeʼmo huno faipa huno neʼateyaʼmonanafa mago vekamoʼmo alo huno ateʼniya vekamo ala agiʼamo amisiyaʼmoʼmo kagemi yaʼapimo ohaneʼniya vayaʼaifeʼmo hau huno apategaiye.

Mai'naya kavane 22:16

Mago vekamoʼmo kagemi yaʼmo magoʼe huno alisiyafeʼmo kafu nehaya vayaʼmo kana yaʼmo alino neʼapamisiyaʼmoʼmo agaiʼageʼmo kafu hisiya vekamo maigiye. Ani kava huno kagemi yaʼapimo haneʼniya vayaʼmo neʼapamiya vekamoʼmo kafu hisiya vekamo maigiye.

Mai'naya kavane 28:15

Kagemi yaʼapimo ohaneʼniya vayaʼaiteʼmo alagepa huno yagaino noʼapateya vekamo alopa gefatiʼmo age neʼaiya laiyonigana huno maige vayaʼmo nehapaeya afela meyagana huno maige huʼniye.

Aiyeya 32:7

Hosu kavaʼmo hisiyafeʼmo agesa afifi nehiye. Kagemiyaʼapimo ohaneʼniya vayaʼmo aigofe geletiʼmo alino hosu huno apatesiyafekeʼmo agesa afifi nehiye. Kafu huʼnaya vayaʼmogi fatago gemo nehaya afinaʼeʼmo alino hosu huno apatesiyafekeʼmo nehiye.

Maika 7:2

Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.

Hamakaki 1:15

Mamiloni nofi vayaʼmogimo nofiteʼmo nekayamo ae maleʼneʼa noyamemo aliʼa vayu huliʼa neʼaya kava huʼa kamemo huʼa neʼapatafae. Ani kava huʼa umenifatiʼmo noyamemo neʼapatafaya kava huʼa vayaʼmo neʼapatafae. Vayaʼmogi umenifiʼmo noyame vayu huliʼa eʼa neʼapatafaya kava huʼa asole vayaʼmo apatafauʼnae. Apatafauteʼapaeʼmo apamogaga neʼaiye.

Hamakaki 3:14

Vayaʼmo kesi kateti eʼa aliʼa afepi apateʼnaya vayaʼai neʼyaʼapimo kumaya aliteʼa apamogaga aiʼnaya kava huʼa ani ati vayaʼmogi aliʼa laha faiʼa latalesayafeʼmo eʼa apamogaga aiʼnae. Apamogaga aiʼnayaʼmonanafa apakaeteʼmo yagaino apateʼniya vekamo agaiʼa hayoletiʼmo alika agufafiʼmo aeʼnane.

Yoni 10:12

Miyaʼmo alisiyafekeʼmo aliʼyaʼmo neʼaliya vekamoʼa sipisipileʼmo yagaino neʼapateya vekamo maige sipisipimo afoʼamoʼmo maige osuʼniyaʼmofeʼmo afela kalamo neʼegenoʼaeʼmo apataleno aune hetaleno uʼnigenoʼaeʼmo afela kalamoʼa hapaeno hanilino neʼvigeʼapaeʼmo ataleʼa atagu faeʼa uʼeʼa nehae.

Apa 23:21

Ani gemo kaha paisagekaeʼmo oʼafiyo. Fotiʼamo ago aeno agaseno magoʼe vayaʼmo kateʼmo fala kiʼa yagaiʼa maigae. Apakaemo huʼapaeʼmo, Neʼyaʼmo oʼneta mosita maime maime neʼuta Poloʼmo amagisunageno falitesigetaekeʼmo halate neʼyaʼmo negaune. Alagi lama gemo nehune, huʼa apagoʼya ataleʼnae. Ago alo huʼa kagaefekeʼmo kagava maiʼnae, huno ha paiʼniye.