Samu 10:4 - The Keyagana NT and 25 OT books

⁴ Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 10:4 ပူးပေါင်းရင်းမြစ်များ

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Samu 101:5

Huʼa faipa huʼa neʼataya vayaʼmo hapafaiʼna apatalegauve. Ala vayaʼmo maiʼnone, huʼa huteʼa himuʼnamu kavaʼmo nehaya vayaʼmo nagaeʼeʼmo oʼmaigae.

Samu 18:27

Kagaemo yagu yaga vayaʼmo apakufamo alika katika apateganaʼmonanafa himuʼnamu kavaʼmo nehaya vayaʼmo alika afepiʼmo apategane.

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 36:1

Gotiʼa hosu vayaʼai hosu kavaʼapieʼmo apava gemo huno naha paiʼniya gemo naipafiʼmo haneʼniyana apakaemo Gotiʼmo apakameʼyamo amiteʼa koli nosae.

Samu 53:1

Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 73:11

Apakaemo huʼapaeʼmo, Haiya kava huno Gotiʼa afigiye, huʼa nehae. Anaga vekamo aeno apakaseʼniya vekamoʼmo lageʼnifiye, huʼa nehae.

Hatu maeno apate'niya gemae 5:2

Feloʼa hunoʼaeʼmo, Ala kava neʼmo ina laʼmo maiʼninageʼnaeʼmo nagaemo geʼamo afiteʼna Isaleli vayaʼmo apatalesugeʼa ugae. Nagaemo Ala kava neʼmo oʼageʼnovaʼmofeʼmo afaʼa apatalesugeʼa oʼugae, huno hana paiʼnigeʼanaeʼmo

Mai'naya kavane 21:4

Aliʼa afepi apatesaya agufa kavanagi apakiʼapileʼmo aliʼa asaga huʼa neʼataya kavanagi hosu vayaʼmogimo hoyamo aiʼyumo neʼaiya kavanagi huno hosu kavaʼmo haneʼniye.

Mai'naya kavane 30:13

Mago nofi vayaʼmogimo apakaiʼapimo apakesamo afiʼapaeʼmo alagepa vayaʼmo maiʼneta alu vayaʼmo ago aeta apaka seta maiʼnone, huʼa apakesamo neʼafiye.

Mai'naya kavane 30:9

Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Mai'naya kavane 6:17

Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

Aiyeya 59:7

Apakaemo hosu kavaʼmo hisayafeʼmo nagu nagu huʼa neʼvae. Apakaemo mago hosu kavaʼmo osuʼnaya vayaʼmo hapaesayafeʼmo malage huʼa neʼvae. Apakaemo hosu kavakeʼmo hisaya agufa apaipa apakesageʼmo neʼafiye. U eʼa nehayategamo muki yaʼmo aliʼa hosu huʼa atege apakafu yaʼmo aliʼa apamige nehae.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Sefanaiya 1:12

Ani afinaʼmo nagaemo Ala kava neʼmoʼnamo lamuʼmo aliteʼna uʼna Yulusalemu taonifiʼmo kahauya huʼna apakegauve. Apakaemo hanageke yaʼmo oʼaliʼa apakaiʼapieʼmo apakesamo afiʼapaeʼmo, Asole yaʼmo aliteta alagepa kavakeʼmo huta maiʼnone, huʼa huge apaipafiʼmo huʼapaeʼmo, Ala kava neʼmoʼa alagepa kavaʼmofi hosu kavaʼmofi huno osuno afaʼageʼmo maigiye, huʼa huge nehaya vayaʼaifeʼmo umenitata huʼna kahauya huʼna apakege huteʼna kayoʼmo apamiguve.

Maki 7:21

Apakufafiʼmo haneʼniya yaʼmo apaipafatiʼmo hosu apakesamo afole aige kumai kavaʼmo afole aige aʼmafaʼnemo alisaya kavaʼmo afole aige vayaʼmo nehapaya kavaʼmo afole aige

Apa 8:22

Kaipamo alika afe leteka hosu gemo huʼnove, huka huteka ataleka kakameʼyamo amiteka Gotifeʼmo hukaeʼmo, hosu nagesa afiteʼna hosu gemo huʼnovanagi alika atalo, huka nunumuʼmo huvo. Gotiʼa alino atalesifi alino oʼatalesifi huka amalageka huka ago.

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.