Samu 10:3 - The Keyagana NT and 25 OT books

³ Hosu kavaʼmo nehiya vekamoʼmo hosu kavafeʼmo haʼye nehunoʼaeʼmo, alagepa kavaʼmo nehuve, huno nehiye. Agaemo hapaʼye nehiya vayaʼmo aliʼa auleʼa neʼapateyaʼmonanafa Ala kava nefeʼmo hosu gemo huteno ataleno uʼniye.

Samu 10:3 ပူးပေါင်းရင်းမြစ်များ

1 Kini 20:25

Kagaemo asole ati vayaʼmo apavalegeʼa hogoteʼa asole ami vayaʼmo maiʼnaya agufa kavaʼmo huʼa maiyo. Kagaemo asole hosi anagaʼmo apavalege talalamo alige hugeʼa ani hosi anagaʼe talalaʼe mo ago aliʼa hosu huʼa apataleʼnaya yaʼmogi apaimuʼyaleʼmo maigae. Huʼnisageta lagaemo uta Isaleli vayaʼeʼmo otu koteʼmo kamemo huteta huta aeta apaka segaune, huʼa ha paiʼnageno ani gemo afitenoʼaeʼmo ani ha paiʼnaya kavaʼmo huʼniye.

Samu 49:18

Afaʼa maiʼnenoʼaeʼmo agaiʼamo alino auleno neʼate, huno nehiye. He, lapakaitapimo alagepa hutapa lapa maesageʼapaeʼmo vayaʼmogimo ala lapakitapimo lapamigae.

Samu 49:6

Apakaemo kagemi yaʼapieʼmo aliʼa amufa amige alopa kagemi yatimo haneʼniye, huʼa huge nehaya vayaʼmogimo

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Hatu maeno apate'niya gemae 15:9

Kame vayatimogi huʼapaeʼmo, Lagaemo apavegala aelita uta apatafautetaeʼmo kagemi yaʼapimo alita fako huta aligune huʼa huʼnae. Lagaemo naipetiletiʼmo apaitetaeʼmo apakaetegamo na agufa kavaʼmo hugune, huta hisupi ani kavaʼmo afaʼa hugune. Naipeletiʼmo alagi kamitimo apaita hano huta apatalegaune, huʼa huʼnae.

Mai'naya kavane 28:4

Keʼaepa gemo akame nosaya vayaʼmogi hosu kavaʼmo nehaya vayaʼai apakiʼapileʼmo aliʼa asagauʼa neʼapatayaʼmonanafa keʼaepa gemo akame nehaya vayaʼmogi kame hugekana huʼa aeʼa apakasesayafeʼmo nehae.

Aiyeya 57:17

Agaemo hosu kavaʼmo huno haʼye huʼniya kavatefeʼmo naipamo leʼniye. Naipamo leʼnigeʼnaeʼmo nagaemo kayoʼmo amiteʼna ataleʼna uʼna fala kiʼna maiʼneʼna naipamo leʼniyaʼmonanafa aipafiʼmo hauʼniya kavaʼmo oʼataleno magoʼe huno hosu kavaʼmo huʼniye.

Hamakaki 2:9

Vaehae, huʼa, afamo anagaʼamo alagepa huʼa maisayafeʼmo haʼye huʼninageno hosu kavaʼmo nehisiya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Nama anagaʼmogimo alagepa huʼa maisayafeʼmo apanoʼmo muga anagaʼamo nekiya kava huno alagepa huno afaʼa maisiyafeʼmo hauʼniya vekamae. Agaemo agaiʼaleʼmo hosu kavaʼmo alagi afole oʼaisiyafeʼmae.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 12:19

Maleteʼnaeʼmo, nagupi mafaʼneyo, huʼna, muki kafugaʼaeʼmo alagepa huka maisanafeʼmo muki kagemi yakamo maleʼnane. Neʼyakamo nege anikamo nege nehuka kamogaga aika maika haga leka maiyo, huʼna huguve, huno agesamo afiʼniye.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

Lomu 1:32

Gotiʼa fatago kavaʼaletiʼmo ani agufa kavaʼmo nehaya vayaʼmo agoti huno apatetenoʼaeʼmo, anonatapilefeʼmo lapamisugetapa alagi falisaya agufa kavaʼmo hutapa maiʼnae, huno ago hu maleʼniye. Apakaemo ani gemo ago afiʼnayaʼmonanafa ani hosu kavaʼageʼmo nosayaʼmonanafa magoʼe huʼa hosu kavaʼmo nehayana hosu kavaʼmo nehaya vayaʼaifeʼmo amuse huʼa neʼapatae.

1 Kolitiyani 6:10

kumayaʼmo neʼaliya vayaʼmofi hapaʼye nehiya vayaʼmofi aniʼmo neteʼa negi nagi gemo nehaya vayaʼmofi huʼa faipa huʼa neʼapataya vayaʼmofi koli yaʼmo aliʼa apamiteʼa kumayaʼmo neʼaliya vayaʼmogimofi huʼa Gotiʼa yagaino neʼapateya koteʼmo uʼa haiʼa oʼmaigae.

Efasasi 5:5

Lapakaemo ago afiʼnayana kumai kavaʼmo nehaya vayaʼmofi oʼaniʼya kavaʼmo nehaya vayaʼmofi hosu hapaʼye nehiya vayaʼmofi huʼa Kalaisiʼe Gotiʼeʼmo yagaiʼana neʼapataʼa kotetiʼmo hetamaʼapimo oʼaligae. Mago vayaʼmogi aigofe gotiʼapimogifeʼmo mono nehaya agufa kavaʼmo huʼa hapaʼye nehiya vayaʼmogi ma mopafi yatefekeʼmo mono nehae.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

Yemisi 4:13

Mago vayaʼamogitapamo huʼapaeʼmo, hemenimofi egamofi huta uta taonifiʼmo mago kafuga maita aliʼyaʼmo aliteta monimo aligune, hutapa nehae.

Yemisi 4:16

Hisaya gemo haneʼniyaʼmonanafa hemenimo lapakaemo, afaʼa hugune, huta hutetapa lapakitapileʼmo alita asaga hutetapa himuʼnamu gemo nehae. Ani agufa himuʼnamu gemo nehaya gemo hosu gemo nehae.

1 Yoni 2:15

Lapakaemo ma mopafi kavafeʼmofi ma mopafi yafeʼmofi huno olapaino. Ma mopafi kavafeʼmo nehapaiya vayaʼmogimo Afotimo Gotifeʼmo hapau apayamopafiʼmo nohapaiye.

1 Samiyo 23:21

Ha paiʼnageno Soloʼmo hapa painoʼaeʼmo, Lapakaemo nagaefeʼmo lapakesamo afitetapaeʼmo alagepa hutapa nahamaesayafeʼmo nehayaʼmofeʼmo Ala kava neʼmoʼa alino auleno lapateno.