Samu 10:16 - The Keyagana NT and 25 OT books

¹⁶ Ala kava neʼmoʼa muki afinaʼmo kini vekamo maiʼneno yagaino apateme apateme ugiye. Agaefeʼmo mono nosaya nofi vayaʼmo agaiʼa mopaletiʼmo alino hapa faino apataleʼniye.

Samu 10:16 ပူးပေါင်းရင်းမြစ်များ

Samu 145:13

Muki afinaʼmo yagaime yagaime ugane. Ala kava neʼmoʼa, ina kavaʼmo huguve, huno huʼniya gemo akame huno ani kavaʼmo nehiye. Muki nehiya kavaʼamo alagepa kavaʼageʼmo haneʼniye.

Samu 146:10

Ala kava neʼmoʼa muki afinaʼae afinaʼaeʼmo kini vekamo maiteno yagaino apategaiye. Lapakaemo Saiyoni vayane, huʼna, Gotitapimoʼmo kini vekatapaimo muki afinaʼae afinaʼaeʼmo maigiye. Ala kava neʼmo agiʼaleʼmo alita asaga hiyo.

Samu 29:10

Ala kava neʼmoʼa vayaʼaiteʼmo yagaino neʼapateya siyaʼaleʼmo fai maiʼneno aniʼmo neheya kavateʼmo yagaiʼniye. Ala kava neʼmo kini vekamogeno fai maiʼneno yagaino hano osuno yagaige yagaige huno maigiye.

Samu 78:55

Agaemo alu nofi vaya alu nofi vayaʼmo ago alino hapa faino apataleteno mopaʼapimo alino apamiteno seli noʼapifiʼmo apateʼnigeʼa maiʼnae.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Samu 9:5

Kagaefeʼmo mono nosaya vayaʼmo alika fako huka apatetekaeʼmo, hosu vayane, huka hapa paiteka alika apagoʼya lagauka apataleʼnane. Vayaʼmogimo apakaefeʼmo magoʼe huʼa apakesamo oʼafigae.

Samu 9:8

He, agaemo muki ma mopafi vayaʼaiteʼmo fatago kavaʼaletiʼmo yagaino neʼapate. Muki alu nofi vaya alu nofi vayaʼmo api kavatetiʼmo alino fako huno neʼapate.

Samu 93:1

Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

Hatu maeno apate'niya gemae 15:18

Muki afinaʼmo Ala kava neʼmoʼa vayaʼaiteʼmo yagaino apatege apatege huno yagaino apateno maigiye.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Neniyo 4:34

Seveniʼa kafugamo hano huʼnigeʼnaeʼmo nagaemo Nepukanesaʼnamo kokuʼnapi aliʼna aulu heʼna neʼagogenoʼaeʼmo alagepa nagesa afi yaʼmo halate afole aiʼnigeʼna aeno apakaseno alagi anaga Goti aliʼna auleʼna ateʼnove. Nagaemo muki afinaʼmo maige maige huno neʼmaiya Goti ala agiʼamo amiʼnove. Yagaino neʼapateyanageno muki afinaʼmo yagaino hano osuno yagaino apatelino ugiye. Afole aime aime hisaya vayaʼaiteʼmo yagaino apategaiye.

Neniyo 6:26

Hemenimo mago keʼaepa gemo hu malovanagi muki yagaiʼna neʼapatova vayaʼmogimo Neniyo Gotiʼamofeʼmo koli huteʼa atete huʼa aiyafi maiyo. Agaemo afaʼa neʼmaiya Gotiʼa muki afinaʼmo maige maige huno maigiye. Muki afinaʼae afinaʼaeʼmo kini vekamo maiʼniyanageno neʼyagaiya lokiyaʼamo alagi hano osugiye. Agaemo yagaino apateme apateme neʼvisigenoʼaeʼmo atupa afinaʼmo afole aigiye.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.