Samu 10:15 - The Keyagana NT and 25 OT books

¹⁵ Kagaemo hosu vayaʼe hanageke yaʼmo neʼapamiya vayaʼeʼmo apayaʼmo alika lo neʼane. Kagaemo muki hosu kavaʼapimo kahauya huka ageteka kayoʼmo apamiyo.

Samu 10:15 ပူးပေါင်းရင်းမြစ်များ

Samu 3:7

Ala kava neʼmo Gotiʼnimogae, huʼna, he tika nagufamo alika katika nato. Kagaemo muki kame vayaʼnimo kayoʼmo neʼapaminagenoʼaeʼmo lokiyaʼapimo alagi hano nehiyanageʼa oʼnahaegae.

Samu 37:17

Na kava higenoʼaeʼmo ago aeno agaseʼniye. Ala kava neʼmoʼa hosu vayaʼai himamuʼapimo alino hano huno atalegaiyaʼmonanafa fatago vayaʼaiteʼmo alagepa huno yagaino neʼapateyaʼmofeʼmae.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Sefanaiya 1:12

Ani afinaʼmo nagaemo Ala kava neʼmoʼnamo lamuʼmo aliteʼna uʼna Yulusalemu taonifiʼmo kahauya huʼna apakegauve. Apakaemo hanageke yaʼmo oʼaliʼa apakaiʼapieʼmo apakesamo afiʼapaeʼmo, Asole yaʼmo aliteta alagepa kavakeʼmo huta maiʼnone, huʼa huge apaipafiʼmo huʼapaeʼmo, Ala kava neʼmoʼa alagepa kavaʼmofi hosu kavaʼmofi huno osuno afaʼageʼmo maigiye, huʼa huge nehaya vayaʼaifeʼmo umenitata huʼna kahauya huʼna apakege huteʼna kayoʼmo apamiguve.