Samu 1:3 - The Keyagana NT and 25 OT books

³ Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Samu 1:3 ပူးပေါင်းရင်းမြစ်များ

Aepa Gemae 39:23

Ala kava neʼmoʼa Yosefeʼmo ha maeʼnigeno muki aliʼniya aliʼyaʼamoʼmo alagepa aliʼyaʼageʼmo afole aiʼniyaʼmofeʼmo kalavusifiʼmo neʼyagaiya vekaʼmoʼmo muki Yosefe ayapiʼmo haneʼniya yaʼalefeʼmo agesamo oʼafiʼniye.

Aepa Gemae 39:3

Aliʼyaʼmo afoʼamoʼmo ageʼniyana Ala kava neʼmoʼa Yosefeʼeʼmo lokaeno maiʼneno ha maeʼnigeno muki huʼniya kavaʼamo alagepa kavaʼageʼmo afole aiʼnigeno ageʼniye.

Samu 128:2

Kagaemo hoyakafatiʼmo neʼyaʼmo alika netekaeʼmo kamogaga aika alagepa huka maigane.

Samu 129:8

Fiku yanageʼa mago vayaʼmogimo eʼa lapakaemo lagae kame vayaʼmogi lapakeʼnayana hoyatapifatiʼmo neʼyaʼmo neʼaligeʼa lapaketeʼa lapa paiʼapaeʼmo, Ala kava neʼmoʼa alino auleno lapateno. Lagaemo Ala kava neʼmo agiʼaletiʼmo lapakaemo alita auleta lapategaune, huʼa hugae. Haʼao, alino auleno lapatesiya yaʼmo lapakaeteʼmo oʼmegaiye.

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Samu 92:15

Apakaemo ani kavatetiʼmo huʼapaeʼmo, Ala kava neʼmoʼa fatago kavaʼmo nehiye, huʼa aliʼa apave neliye. Agaemo alopa yafaʼnimo maiʼnigenoʼaeʼmo agaepiʼmo mago hosu kavaʼamo alagi ohaneʼniye.

Aiyeya 3:10

Alagepa fatago kavaʼmo nehaya vayaʼaifeʼmo, lapakaemo alagepa hutapa maigae, huka hapa paiyo. Alagepa kavaʼapimoʼmo neʼyaʼamo negayaʼmofeʼmae. Negayaʼmonanafa hosu vayaʼmo hanageke yaʼmo aligae. Hosu kavaʼapimo miyaʼamo aligayaʼmofeʼmae.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Napa 24:6

Maiʼnayategamo alagepa yatala kagoʼmufilagagana huno hanege hagifeʼmo haneʼniya hoyagana huno hanege Ala kava neʼmoʼa fai maleʼniya alagepa yosagana huno hanege lokiya Sita yosamo ani haigifiʼmo haneʼniya yosagana huno hanege huʼniye.

Matiyu 13:6

Hageʼniyaʼmonanafa yegemoʼmo haineno neʼagegenoʼaeʼmo hafuʼyamo oʼaeʼniyaʼmofeʼmo leno faluteteno leno saga liʼniye.

Matiyu 21:34

Nofi alagamo ago afu leʼnigenoʼaeʼmo agaemo aliʼyaʼamo neʼaliya vayaʼmogi nofi alaga hetamaʼamo alisayafeʼmo alino apateʼnigeʼa hoyaʼaleʼmo neʼyagaiya vayaʼaitegamo uʼnae.

Matiyu 21:41

agaemo alagi alino hosu huno apateteno ani vayaʼmo apamagigiye. Agaemo alu vayaʼmo apavaleno apatesigeʼa hoyaʼaleʼmo yagaiʼneʼa nofi alagamo afu lesigeʼapaeʼmo lagiʼa maleʼneʼa amigae, huʼa huʼnae.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.