Samu 1:2 - The Keyagana NT and 25 OT books

² Ani agufa kavaʼmo nosayaʼmonanafa Ala kava neʼmo keʼaepa geʼalefekeʼmo amuse huteʼa apamogaga neʼaiye. Apakaemo felugaʼe haniʼilagaʼeʼmo keʼaepa geʼaekeʼmo apakesa afifi huʼa neʼmaiye.

Samu 1:2 ပူးပေါင်းရင်းမြစ်များ

Aepa Gemae 24:63

Inagi Aisakiʼa mago uneʼmo umenitata huno maiʼniyatetiʼmo alino maku huno ageʼniyana kamolu anagaʼmo eʼnageno apakeʼniye.

Esala 7:10

Esalaʼa Ala kava neʼmo keʼaepa gemo alagepa huno afisiyafeʼmo kahauya huno lekana paiteno akame huno Isaleli vayaʼaina alino apaya malesiyafeʼmo aipamo alo huʼniyaʼmofeʼmo Gotiʼa alagepa huno ha maeʼniye.

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 112:1

Ala kava neʼmo ala agiʼamo amiyo. Gotiʼa Ala kava nefeʼmo koli nehiya vekamo alino auleno ateʼniye. Agaemo Gotiʼa hiyo, huno huʼniya geʼaeʼmo lusi kava huno hauʼnigeno amogaga neʼaiye.

Samu 119:1

Vayaʼmogimo alagepa kavaʼmo nehuʼapaeʼmo vaiʼmo oʼaliʼa Ala kava neʼmo keʼaepa geʼamo akame nehaya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 119:35

Hiyo, huka laha paiʼnana gekaeʼmo namogaga neʼauvaʼmofeʼmo ani kateʼmo uʼneʼna hisuva naipamo alika kalika nato.

Samu 119:72

Kavayafatiʼmo huʼnana keʼaepa gekamoʼmo tauseni monimo ago aeno agaseʼniyaʼmofeʼmo gekaeʼmo magoʼe huno nahauʼniye.

Samu 119:92

Nagaemo keʼaepa gekaeʼmo namogaga oʼaiʼnovesinana kana yaʼmo aliʼneʼnaeʼmo ago faliʼnovesine.

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Luki 18:7

Gotiʼa lekana paino apateʼniya vayaʼmogi muki felugaʼaʼe haniʼilagaʼaʼeʼmo aukaya huʼa ge huʼa afige afige nehisagenoʼaeʼmo ani kavaʼmo huno afiteno alino fako huno apateteno afaʼa hapa oʼmaegaifiye. Yatala afinaʼmo apakava maisiyaʼmoʼmo afaʼa hapa maegaiye.

Luki 2:37

Muki afinaʼmo alopa mono nopiʼmo maiʼnenoʼaeʼmo muki netepiʼe hanipiʼeʼmo Gotifeʼmo mono huge nunumuʼmo huge neʼyaʼmo mo sige huno maiʼniye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Timoti 4:15

Ani kavatefeʼmo kagesamo afifi huka maiʼnekaeʼmo lokiya vaika aliʼyaʼmo aligeʼa alagepa kavakamoʼmo kosime kosime neʼviya kavakamo mukiʼamogimo ageyo.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

Yasuva 1:8

Mukufiʼmo haneʼniya gemo muki avoʼmo kae maleʼniya keʼaepa gemo akame hisanafeʼmo kagaemo ani keʼaepa gemo haneʼniya mukufiʼmo keʼaepa geʼaeʼmo felugaʼe haniʼilagaʼeʼmo kagesa afifi huka maiʼneka kavayafatiʼmo hapa paiyo alagepa huka maisanageno aliʼyakamo alagepa huno afole aigiye.

1 Yoni 5:3

Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.