Samu 1:1 - The Keyagana NT and 25 OT books

¹ Gotifeʼmo mono nosaya vayaʼmogimo apakesamo afiʼapaeʼmo, ina kateʼmo viyo, huʼa nehaya kateʼmo umenitata osuge hosu kavaʼmo nehaya vayaʼmo neʼvaya kateʼmo uʼa he tiʼa oʼmaige mono katefeʼmo, afa kane, huʼa huteʼa huʼa faipa huʼa neʼataya vayaʼeʼmo magokepi lokaeʼa itopaleʼmo fai oʼmaige nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 1:1 ပူးပေါင်းရင်းမြစ်များ

Aepa Gemae 49:6

Anakaemo anaipa leʼnigeʼana kamitimo apamagiʼnaʼaʼmofeʼmo anakae anaipa anakesaeʼmo nagaemo kanalene, huʼna osuguve. Huguʼae, hisaʼa kavaʼmo pulumakamogi apaiyamo heʼana nehatagaʼaʼmofeʼmo nagaemo anakaeʼeʼmo alagi magokepi lokaeʼna oʼmaiguve.

Aepa Gemae 5:24

Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 106:3

Geʼamo afiteʼa muki afinaʼmo akame huʼa alagepa kavaʼmo nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 112:1

Ala kava neʼmo ala agiʼamo amiyo. Gotiʼa Ala kava nefeʼmo koli nehiya vekamo alino auleno ateʼniye. Agaemo Gotiʼa hiyo, huno huʼniya geʼaeʼmo lusi kava huno hauʼnigeno amogaga neʼaiye.

Samu 119:115

Hosu kavaʼmo nehaya vayaʼmogitapae, huʼna, nagaetegatiʼmo ataletapa viyo. Gotiʼnimoʼmo hiyo, huno huʼniya gemo akame huguve.

Samu 146:5

Mago vekamoʼmo hunoʼaeʼmo, Yekopu Gotiʼamoʼmo naha maegaiye, huno agesamo neʼafiya vekamoʼmo amogaga neʼaiya vekamae. Agaemo Ala kava neʼmo Gotiʼamofeʼmo alino amufa amiʼniyaʼmofeʼmo amogaga neʼaiye.

Samu 146:9

Agaemo alu kotegatiʼmo eʼa maiʼnaya vayaʼaiteʼmo alagepa huno yagaino apatege megusa mafaʼne anagaʼe kogu aʼne anagaʼeʼmo hapa maege nehiyaʼmonanafa hosu vayaʼmogimo nehaya kavaʼapimo alino hosu huno neʼatale.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 26:12

Nagaemo alagepa kateʼmo neʼuve. Goti vayaʼamogi aliʼa anupa huʼa neʼmaiya yategamo uʼna Ala kava neʼmo agiʼaleʼmo aliʼna asaga huguve.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Samu 64:2

Hosu vayaʼmogimo aliʼa anupa huʼa maiʼneʼapaeʼmo aliʼa hosu huʼa natesaya kafeʼmo kahauya nehayanagi naha mao.

Samu 81:12

Olapauʼniyaʼmofeʼmo afaʼa lapateʼnogetapa ge oʼafitapa himuʼnamu kavaʼmo hutetapa lapakaitapimo lapauʼniya kavaʼmo huʼnae.

Samu 84:12

Muki vayaʼaiteʼmo yagaika neʼapatana vekae, huʼna, Kagaemo aliʼa amufa nekamiya vayaʼmo aulena vayaʼmo maiʼnae.

Mai'naya kavane 1:15

Mafaʼneʼnimogae, huʼna, Neʼvaya kateʼmo oʼuvo. Kaiyaleʼmo ageka maiteka apakame huka oʼuvo.

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Mai'naya kavane 13:15

Alagepa huʼa afiʼa aeto nehaya vayaʼaifeʼmo hapaoke hegaiyaʼmonanafa gemo amagiʼa neʼatalaya vayaʼmogi kaʼmo apakafu kisiya kaʼmo haneʼniye.

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 19:29

Himuʼnamu kavaʼmo nehaya vayaʼmo agoti huʼa apategae. Negi vayaʼmo kayoʼmo apamigae.

Mai'naya kavane 2:12

Ani kavaʼmoʼa hosu kavategatiʼmo kavalelino egaiye. Hosu gemo nehiya vekamo ayapatiʼmo kagufamo alino katino kategaiye.

Mai'naya kavane 3:34

Ala kava neʼmoʼa huʼa faipa huʼa apateteʼa apakameʼyamo neʼamiya vayaʼaifeʼmo huno faipa huno apateteno akameʼyamo neʼapamiye. Akameyamo neʼapamiyaʼmonanafa ina agufa vayaʼmo maiʼnone, huʼa apakesamo neʼafiya vayaʼmo fikumo hapa maeno neʼapamiye.

Mai'naya kavane 9:12

Afiteka agesana kavaʼmo alisanana kagaikamo alika auleka kategane. Himuʼnamu kavaʼmo hisanana kagaikamo kana yaʼmo alika kamigane.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Luki 23:51

Agaemo Gotiʼa yagaino apatesiya kavaʼmo afole aisiya afinafeʼmo agava maiʼniye. Agaemo alu kanisole vayaʼmogi vege huteʼa huʼnaya gelefeʼmo, he kanalene, huno osuʼniye.

Yoni 13:17

Lapakaemo ani gemo afita alagepa huʼnetapa ani kavaʼmo nehisayana Goti aulagaleʼmo alagepa hutapa maiʼnayanagetapa afaʼa lapamogaga aigae.

Yoni 20:29

kagaemo nageʼnanaʼmofeʼmo kagesamo afika fatago nehapiye. Oʼnageʼnayaʼmonanafa nagaefeʼmo apakesamo afiʼa fatago huʼnaya vayaʼmo aulena vayaʼmo maiʼnae, huno ha paiʼniye.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Efasasi 6:13

Gotiʼa kame hisaya kukenamo lapamiʼniya kukenamo vaitetapa maiyo. Alita vaitetapa maiʼnisayana hosu afinaʼmo afole neʼaisigetapaeʼmo kamemo hume hume utapa huta hano hutetapaeʼmo he titapa maigae.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.