Salomoni Yokemae 8:9 - The Keyagana NT and 25 OT books

⁹ Agaemo alagepa huno taonilefeʼmo yafa lafi kegiʼyagana huno maiʼnisigetaeʼmo lagaemo ani yafa lafi kegiʼyaleʼmo siluva yafatetiʼmo yatala noʼmo kime kime uta haigune. Agaemo kitagana huno maiʼnisigetaeʼmo lagaemo agaeteʼmo lokiya sita yosaletiʼmo noʼamo kigune, huʼa ha paiʼnae.

Salomoni Yokemae 8:9 ပူးပေါင်းရင်းမြစ်များ

Salomoni Yokemae 1:11

Lagaemo konali yakamo goli yafatetiʼmo alo huge siluva yafatetiʼmo alo huge huteta kamigune.

Salomoni Yokemae 2:9

Nahau nayamopafiʼmo neʼnahaiya vekaʼnimoʼmo kanale afela afugana huno nagu nagu huno neʼe. Ago eno kumateʼmo he tino maiʼnenoʼaeʼmo aise yasi katetiʼmo nopilagamo aulu heno ageʼniye.

Aiyeya 58:12

Lapakaepatiʼmo mago vayaʼmogi akeyaʼvilaga noʼatufaleʼmo taonimo halate kigae. Ani noʼatufamo akeyaʼvilagatiʼmo haneme haneme eʼniye. Vayaʼmogimo lapakaefeʼmo huʼapaeʼmo, apakaemo halate taonile kegiʼyamo kame vayaʼmo esaya kaʼmo huʼa akani maleʼnaya vayane. Apakaemo halate taoni kakoʼmo aliʼa kanale huʼnaya vayane, huʼa hugae.

Aiyeya 60:17

Nagaemo haesa aenimo aimuʼyaleʼmo goli yafaʼmo aliniʼna lapakaetegamo egauve. Aenimo aimuʼyaleʼmo siluva yafaʼmo aliniʼna egauve. Yosamo aimuʼyaleʼmo haesa aenimo aliniʼna egauve. Afa yafaʼmo aimuʼyaleʼmo aenimo aliniʼna egauve. Nagaemo yagaiʼa nelapataya vayatapimo alagepa huʼna hapa maesugeʼa alagepa huʼa yagaiʼa lapatesagetapa taonifiʼmo alagi alagepa hutapa maigae. Ina kava huʼna Gamani vayatapimo alagepa huʼna hapa maesugeʼa fatago kavaʼmo huʼa alagepa aliʼyaʼmo aligae.

Aiyeya 61:4

Apakaemo heʼa halagape vaiʼnaya taonimo halate kigae. Akeyaʼvilaga no atufafiʼmo saufa noʼmo kigae. Yatala afinaʼmo muki hosuʼniya taonimo haneʼniyana aliʼa alagepa huʼa kigae.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 15:16

Avoʼmo kaeʼapaeʼmo, Ala kava neʼmoʼa hunoʼaeʼmo, Henagaʼamo atagi neʼna eʼna Nevini seli noʼmo aino halagape vaiʼniya noʼmo halate aliʼna alagepa huʼna kiʼna ategauve. Asagauno aiteno haneʼniya yaʼamo halate aliʼna alagepa huʼna kiʼna ategauve.