Salomoni Yokemae 7:8 - The Keyagana NT and 25 OT books

⁸ Nagaemo huʼnaeʼmo, Ani yosafiʼmo uʼna haiʼna yosa akopaleʼmo atafauguve, huʼna huʼnove. Haiʼna maisugeno nukamoʼmo nofi alagamoʼa magokepiʼmo akalo akalo huno nehaneya kava huno hanegaiye. Kavayafatiʼmo apoli yosa alagamoʼa kanale atumo neʼaiya agufa atumo aigiye.

Salomoni Yokemae 7:8 ပူးပေါင်းရင်းမြစ်များ

Salomoni Yokemae 1:3

Asole alagepa atumo neʼaiya uveliletiʼmo kagufaleʼmo fale maleʼnanageno kagufalegatiʼmo alagepa atumo neʼaiye. Kagikamoʼmo alagepa atuʼmo neʼaiya aniʼmo aino lakiʼniya anikana huno haneʼneno alagepa atumo neʼaiyaʼmofeʼmo veʼeʼmo magokepi lokaeʼa ohavaeʼnaya aʼmafaʼne anagaʼmogimo kagaefeʼmo hapau apayamopafiʼmo nehapaiye.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Salomoni Yokemae 2:5

Nagaefeʼmo hau ayamopafiʼmo hauʼnigeʼnaeʼmo lokiyaʼnimo alagi ohaneʼniyaʼmofeʼmo nofi alagafati aniʼmo namiteka alika lokiya vaika nato. Alagepa apoli alagamo namigeʼna neʼna falu hino.

Salomoni Yokemae 4:16

Hoga haopalegatiʼmo yasimo alinika eno. Lamaga haopalegatiʼmo yasimo alinikeka hoyaʼnifiʼmo aligenoʼao alagepa atumo neʼaiya yaʼmoʼa muki haopalegamo ailino uneno hino. Nahau nayamopafiʼmo neʼnahaiya vekaʼnimoʼa hoyaʼafatiʼmo eno alagepa yosa alagamo lagino neno.

Salomoni Yokemae 7:7

He tika maikaeʼmo alagi alagepa huno api aino haneʼniya kokanasi yosagana huka he tika maiʼnane. Nukamoʼmo ani agufa yosa alagagana huno haneʼniye.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.