Salomoni Yokemae 7:7 - The Keyagana NT and 25 OT books

⁷ He tika maikaeʼmo alagi alagepa huno api aino haneʼniya kokanasi yosagana huka he tika maiʼnane. Nukamoʼmo ani agufa yosa alagagana huno haneʼniye.

Salomoni Yokemae 7:7 ပူးပေါင်းရင်းမြစ်များ

Samu 92:12

Alagepa kokanasi yosamo alagepa huno koʼnesiya kava huʼa fatago vayaʼmo maigae. Apakaemo Sita yosagana huʼa alagepa huʼa maige maige huʼa maige.

Salomoni Yokemae 1:13

Nahau nayamopafiʼmo neʼnahaiya vekaʼnimoʼa meya hayafatiʼmo alagepa atumo neʼaiya anikana huno maiʼneno muki haniʼilagamo nuʼnilaʼmogani folagapiʼmo havaegaiye.

Salomoni Yokemae 1:15

Nahau nayamopafiʼmo neʼnahaiya aʼnimogae, huʼna, vaeʼkanale alagepa a kanomo maiʼnane. Heʼkanale alagepa a kanomo maiʼnane. Kaulagamoʼmo kaugoʼyavemo aulagagana huno haneʼniye.

Salomoni Yokemae 4:5

Lole nukalaʼmo kanale lagoʼya afela afulaʼmoganimo yaveyave kahaumo ausemo haneʼniya folagapatiʼmo kahaumo neʼnaʼa afulakana huno haneʼniye.

Salomoni Yokemae 7:3

Kagaemo lole nukalaʼmoʼa ani kava huno lole kanale afela afulaʼmo lagoʼya afela afulakana huno haneʼniye.

Salomoni Yokemae 7:6

Nahau nayamopafiʼmo neʼnahaiya a kanomogae, huʼna, alagi kanale a kanomo maiʼnane. Muki yaʼakamoʼmo namogaga aisuva agufa kavaʼmo nehiye.

Salomoni Yokemae 7:8

Nagaemo huʼnaeʼmo, Ani yosafiʼmo uʼna haiʼna yosa akopaleʼmo atafauguve, huʼna huʼnove. Haiʼna maisugeno nukamoʼmo nofi alagamoʼa magokepiʼmo akalo akalo huno nehaneya kava huno hanegaiye. Kavayafatiʼmo apoli yosa alagamoʼa kanale atumo neʼaiya agufa atumo aigiye.

Salomoni Yokemae 8:8

Lasatimoʼmo aise aʼmafaʼnemo maiʼnigeno nuʼamo oʼmeʼniye. Mago vekamoʼmo aligefeʼmo hisigetaeʼmo agaetegamo na agufa kavaʼmo hugune, huno ge huno apafi geʼniye.

Aiyeya 66:10

Yulusalemu taonieʼmo lahapauʼniya vayane, huʼna, agaeʼeʼmo magokepiʼmo lapamogaga aiyo. Agaefeʼmo yulagefa neʼaiya vayane, huʼna, agaeʼeʼmo magokepiʼmo lapamogaga aiyo.

Efasasi 4:13

Ani kavaʼmo huta kosime kosime neʼutaeʼmo magokepi lokaeta maiʼneta magoke lagesamo afita fatago huge Goti Mafaʼneʼamo alagepa huta agege nehutaeʼmo alopa vayakana huta maiʼneta uta haita hapaigune. Kalaisiʼa alagi alopa vekagana huno maiʼniyanageta ani kavaʼmo huta kosime kosime uta Kalaisikana huta maigune.