Salomoni Yokemae 5:2 - The Keyagana NT and 25 OT books

² Haniʼilagamo nau kaleʼnovaʼmonanafa nagupi mafaʼnemoʼa auʼmo okaleno afaʼa maiʼniye. Nahau nayamopafiʼmo neʼnahaiya vekaʼnimo agemo afiʼnove. Kitaʼnileʼmo hakalu hakalu huteno, Nasaʼnimogamo nahau nayamopafi aʼnimogae, huʼna, Kitamo yakika nato. Haniʼilagamo aniʼmoʼa emineno nagenopafiʼmo aniʼmo faleno nateʼnigeno nayokapiʼmo lao yaʼmo emineno havai teʼniye, huno naha paiʼniye.

Salomoni Yokemae 5:2 ပူးပေါင်းရင်းမြစ်များ

Aepa Gemae 29:20

Inagi Yekopuʼa Lesotefeʼmo seveniʼa kafugamo Lepani aliʼyaʼamo neʼalinoʼaeʼmo lusi kava huno hau ayamopafiʼmo hauʼniyaʼmofeʼmo ani seveniʼa kafugaeʼmo afaʼa aise yane, huno agesa afiʼniye.

Samu 119:1

Vayaʼmogimo alagepa kavaʼmo nehuʼapaeʼmo vaiʼmo oʼaliʼa Ala kava neʼmo keʼaepa geʼamo akame nehaya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 81:10

Nagaemo Ala kava neʼmo gotitapimoʼnamo lapakaemo Isipi kotegatiʼmo lapavaleliʼna eʼnove. Lapakaemo lapavayamo lusi kava hutapa aka huʼnigeʼnao muki yaʼmo nagaemo lapamino.

Mai'naya kavane 23:26

Mafaʼneʼnimogae, huʼna, kaipa kagesamo namiʼneka nehuva geʼnimo alagepa huka afiyo.

Salomoni Yokemae 1:16

Nahau nayamopafiʼmo neʼnahaiya vekaʼnimogae, huʼna, Vaeʼkanale alagepa vekamo maiʼnane. He kanale alagepa vekamo maiʼnane. Hipatiʼamo alino hegafa hu maleʼniye.

Salomoni Yokemae 2:10

Nahau nayamopafiʼmo neʼnahaiya vekaʼnimoʼmo naha paiʼniye. Agaemo naha painoʼaeʼmo, Nahau nayamopafiʼmo neʼnahaiya aʼnimo kanale alagepa aʼnimogae, huno, he tika kumatega emikeka nagaeʼeʼmo magokepi lokaeka eno.

Salomoni Yokemae 2:14

Kaugoʼyave namaʼnimo yafakapiʼmo maiʼnane. Aulafi kateʼmo uka haika fala kika maiʼnane. Kanale kaugosamo alika nave ligeʼna ageno. Kagemo alagepa kagemo haneʼnigi kage aigeʼna afino.

Salomoni Yokemae 2:8

Nahau nayamopafiʼmo neʼnahaiya vekaʼnimo agemo afiʼnove. Agaemo aeno hailo hailo hulino nagu nagu huno aveleʼmo neʼe.

Salomoni Yokemae 3:1

Haniʼilagamo hipaʼnileʼmo havaeʼneʼnaeʼmo nagupi mafaʼnemoʼmo hau ayamopafiʼmo hauʼniya vekaʼnieʼmo kahauya huʼnovaʼmonanafa oʼageʼnove.

Salomoni Yokemae 4:7

Nahau nayamopafiʼmo neʼnahaiya aʼnimogae, huʼna, kanale alagepa a kanomo maiʼnane. Oʼaniʼya faifa yaʼmo kagaeteʼmo ohaneʼniye.

Salomoni Yokemae 4:9

Nasaʼnimogamo aʼnimae, huʼna, kagaemo aiseʼatoʼamo nagaemo aulu nahaeka neʼnaganagenoʼaeʼmo naipafiʼmo lusi kava huno nahaʼye huʼniye. Nagaemo lugokamo ageteʼnaeʼmo kagaeteʼmo asagauʼna neʼauve.

Salomoni Yokemae 5:11

Agenopamoʼmo hogote goli yafakana huno leʼnigeno ayokakuʼmo kanale alopa ayokakuʼmo mago anupa namamo ayokagana huno haneʼniye.

Salomoni Yokemae 5:6

Nahau nayamopafiʼmo nahauʼniya vekaʼnimo kita yakiʼna ateʼnovaʼmonanafa ago utegeʼna nagaemo oʼageʼnove. Nagaemo huʼniya geʼaeʼmo nagesamo neʼafugenoʼaeʼmo nagupi mafaʼnemoʼmo alagi hosuʼniye. Nagaemo agaefeʼmo kahauya huʼnovaʼmonanafa oʼageʼnove. Nagaemo keya aeʼna ge huʼnovaʼmonanafa agaemo geʼnileʼmo aeno atagaina huno ge osuʼniye.

Salomoni Yokemae 6:9

Maiʼnayaʼmonanafa kaugoʼyave namaʼnimoʼa aeno apakaseno uno haino hapaiʼniye. Asole aʼne anagaʼmo maiʼnayaʼmonanafa aʼnimo magokeʼageʼmo maiʼniye. Itaʼamoʼmo magoke aʼmafaʼnemo alino ateʼniye. Alino ateʼniya itaʼamoʼmo hunoʼaeʼmo, hogote aʼmafaʼneʼnimo maiʼniye, huno agesamo afiʼniye. Muki aʼmafaʼne anagaʼmogi ageteʼapaeʼmo hao ke heʼnae. Kuvini aʼne anagaʼmogiʼe kini vekamo alu aʼne anagaʼamogiʼeʼmo agiʼaleʼmo aliʼa asaga huʼa ateʼnae.

Salomoni Yokemae 7:9

Kavayamo nofi alagafati aniʼmo hogote anikana huno hanegaiye, huno ha paiʼniye. Ani nofi alagafati aniʼmo nahau nayamopafiʼmo neʼnahaiya vekaʼnilefeʼmo haneʼniye. Ani aniʼmoʼa hagaʼageʼmo huʼniye. Apaukalegekana huʼa neʼmaiya vayaʼmogimo neʼneʼapaeʼmo ge nehae.

Salomoni Yokemae 8:7

Hau ayamopafiʼmo nehaiya kavaʼmoʼa atagana huno neleyanageno aniʼmoʼa afaʼa aeno yu osegaiye. Aniʼmo hesiyaʼmoʼmo alagi aeno ati okaegaiye. Mago vekamoʼmo a kanoeʼmo hunoʼaeʼmo, Nagaefeʼmo kahau kayamopafiʼmo kahausiyafeʼmo muki moniʼaniletiʼmo miya faiguve, huno ha paisigenoʼaeʼmo, afaʼa ina agufa yane, huno huteno hosu aipamo kaligiye, huno huʼniye.

Aiyeya 52:14

Vayaʼmogimo agaemo amagiʼa aliʼa hosu huʼa ateʼnageʼapaeʼmo agufaʼaʼe augosaʼaʼeʼmo alagi hosu apaulagamo ageteʼa hapau aiʼnae. Amagiʼnayaʼmofeʼmo ageteʼa agaefeʼmo mago vayane, huʼa oʼageʼnae. Amagiʼapaeʼmo agufaʼaʼe augosaʼaʼeʼmo alagi aliʼa hosu huʼa ateʼnae.

Neniyo 8:18

Agaemo ge nehigeʼnaeʼmo naugosalegatiʼmo mopafiʼmo nau kaleʼnove. Agaemo name aliteno alino he tino nateʼnigeʼna he tiʼnove.

Matiyu 7:8

Hakalu hakalu nehigenoʼao kitamo yakino lapategaiyanagi. Muki vayaʼmogi Gotifeʼmo ge huʼa afi nekaya vayaʼmogimo afaʼa aligae. Kahauya nehaya vayaʼmogimo ageʼa aligae. Hakalu hakalu nehaya vayaʼmo uʼa haisayafeʼmo kitamo yakino apategaiye.

Matiyu 8:17

Agaemo Aiyeyaʼa Gotitegati gemo alinineno aeno hakalo huno hapa nepaiya vekamoʼmo mani kavafeʼmo huʼniya kavaʼmo afole aisiyafeʼmo huʼniye. Aiyeyaʼa hunoʼaeʼmo, Agaemo alu kaita alu kaitaʼmo lahauʼniya kaitaʼmo laha maeno alininuno ataleʼniye, huno avoʼmo kae maleʼniye.

Maki 1:35

Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Luki 9:32

Pitaʼe anakaeʼeʼmo apau maiʼmai huʼnigeʼa apauʼmo kaleʼneʼa apaupatiʼmo apaulagamo ageʼa ayakeʼa agayana Yesu ha le konali yaʼamoʼmo aeno ha leʼnigeʼa ageʼnae. Ageteʼa apakayana Yesuʼeʼmo magokepi he tiʼana maiʼnaʼa vekalaʼeʼmo maiʼnageʼa apakeʼnae.

Yoni 10:4

Agaemo sipisipi anagaʼamo kumatega apavalelinuno hogoteʼnigeʼapaeʼmo sipisipi anagaʼamogi agemo afiʼa aeto nehayaʼmofeʼmo akame huʼa neʼvae.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Efasasi 5:14

Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.

Leveleseni 14:4

Apakaemo aʼneʼeʼmo magokepi lokaeʼa ohavaeʼnaya vayaʼmo yaveyave apaipa vayaʼageʼmo maiʼnae. Apakaemo aikeli sipisipimo haiyategamo uʼnifi akame huʼa neʼvae. Agaemo ma mopafi vayapatiʼmo miya faino hatu maeno apateʼniye. Yu vayaʼmogimo hoyafatiʼmo hogoteno leʼniya neʼyaʼmo aliʼa Gotiʼa amiʼnageno Gotiʼa neʼyaʼmo haneʼniya kava huʼa apakaemo Gotiʼe aikeli sipisipi vekaʼeʼmo vayaʼanimo maiʼnae.

Leveleseni 3:20

Nageyo, huʼna, kipateʼmo he tiʼna maiʼneʼna hakalu hakalu huge huge huʼna neʼmauve. Mago vekamoʼmo geʼnimo afiteno kitamo yakino natesigeʼnaeʼmo uʼna haiʼna agaeʼeʼmo neʼyaʼmo nesugeno nagaeʼeʼmo neʼyaʼmo negaiye.

Leveleseni 3:4

Mago Satisi taonifiʼmo maiʼnaya siosi vayaʼamogitapamo kukenatapileʼmo oʼaniʼyamo ofaiʼniye. Lapakaemo yaveyave kukenamo vaitetapa nagaeʼeʼmo umenitata hisaya vayaʼmo maiʼnae.