Salomoni Yokemae 4:9 - The Keyagana NT and 25 OT books

⁹ Nasaʼnimogamo aʼnimae, huʼna, kagaemo aiseʼatoʼamo nagaemo aulu nahaeka neʼnaganagenoʼaeʼmo naipafiʼmo lusi kava huno nahaʼye huʼniye. Nagaemo lugokamo ageteʼnaeʼmo kagaeteʼmo asagauʼna neʼauve.

Salomoni Yokemae 4:9 ပူးပေါင်းရင်းမြစ်များ

Aepa Gemae 20:12

He lama gemo huno Selaʼmo nasaʼnimoʼae. Afoʼnimo aʼmafaʼnemo maiʼniyaʼmonanafa itaʼnimo aʼmafaʼnemo oʼmaiʼniyaʼmofeʼmo aʼnimo maisiyafeʼmo aliʼnove.

Aepa Gemae 41:42

ayatetiʼmo liniʼamo asagino Yosefe ayateʼmo vaino ateʼniye. Ani linileʼmo kini vekamo alagena yaʼamo haneʼniye. Feloʼa alagepa kukenamo alino vaino ateteno goli senimo lugoʼafiʼmo huno ateʼniye.

Samu 45:9

Ala apaki aʼne anagakamogiʼeʼmo kini vayaʼai aʼmafaʼneʼapimo maiʼnae. Akamoʼmo hogote goli yafatetiʼmo alo huʼnaya konalimo aliteno lamaga kahaopaleʼmo he tino maiʼniye.

Mai'naya kavane 1:9

Geʼanimoʼmo alagepa konali yakamo kagenopaleʼmo hanegaiye. Lugokafiʼmo alagepa konali senimo huka aligane.

Mai'naya kavane 6:25

Alagepa agufaeʼmo ageka kahaʼye osuvo. Fiku yanageno aulagaletiʼmo aulu kahaeteno kayateʼmo aligiye.

Salomoni Yokemae 1:10

Muki kayokateʼmo haneʼniya konali yakamoʼa kaugosafiʼmo aeno ha nele. Kagaemo kanale sesumo lugokafiʼmo huka aliʼnanageno alagepa huno aeno ha nele.

Salomoni Yokemae 1:15

Nahau nayamopafiʼmo neʼnahaiya aʼnimogae, huʼna, vaeʼkanale alagepa a kanomo maiʼnane. Heʼkanale alagepa a kanomo maiʼnane. Kaulagamoʼmo kaugoʼyavemo aulagagana huno haneʼniye.

Salomoni Yokemae 3:11

Saiyoni aʼmafaʼne anagane, huʼna, lapakaemo etapa kini vekamo Salomoniʼmo ageyo. Agaemo agenopaleʼmo kini kakolitamo haneʼniye. Kini vekamo Salomoniʼa aʼmo aliʼniya afinaʼmo lusi kava huno amogaga aiʼnigenoʼaeʼmo itaʼamoʼmo ani kakolitamo alino agenopaleʼmo maleno ateteno kini vekamo lekana paino ateʼniye.

Salomoni Yokemae 4:10

Nasaʼnimogamo aʼnimae, huʼna, Nagaefeʼmo kahau kayamopafiʼmo kahauʼniya kavaʼmoʼa kanale alagepa kavaʼmo haneʼniye. Ani kahauʼniya kavakamo hagaʼamoʼmo nofi alagafati aniʼmoʼa nehiya hagaʼamo alagi ago aeno agaseʼniye. Ani nefalana aniʼmoʼa alagepa atuʼamoʼmo muki alagepa atumo neʼaiya yaʼmo atuʼamo ago aeno agaseʼniye.

Salomoni Yokemae 4:12

Nasaʼnimoʼmo maige aʼnimo maige huʼniya aʼnimoʼa hoyaleʼmo kegiʼyamoʼa faino vego huʼniya hoyagana huno maige keli kotupi aniʼmo muki vayaʼmogimo oʼnesayafeʼmo ka akani maleʼniya keli kotupi anikana huno maige aniʼmo kanage kanage huno eno haine neʼeya aniteʼmo loki ae maleʼniya anikana huno maige huʼniye.

Salomoni Yokemae 6:12

Nagesamo oʼafiʼnogenoʼaeʼmo malage huno nagupi mafaʼnemoʼa alino he tino nateʼnigeʼna aliʼna namalagiteʼnaeʼmo visuvafeʼmo nehuve. Hapauʼnisiya vayaʼnilefeʼmo hosimoʼmo halaulino neʼviya talalagana huno alino ha maleno nateʼniye, huno huʼniye.

Salomoni Yokemae 6:5

Aulu nahaeka oʼnago. Kaulagamoʼmo ago aeno nagaseʼnigeʼna kagaefeʼmo neʼnahaiye. Kayokaʼmoʼa meme anagaʼmogi Gileyati avelegatiʼmo magokepi uʼa nelamiya meme anagaʼai apayokakana huno haneʼniye.

Salomoni Yokemae 7:10

Nagaemo nahau nayamopafiʼmo neʼnahaiya vekaʼnimo aʼamo maiʼnogeno nagaefeʼmo haʼye nehiye, huno huʼniye.

Aiyeya 54:5

Nagaemo Gotiʼnamo kagaemo alo huʼna kateʼnova vekamo anaukamonagana huʼna maiʼnove. Nagaemo nagiʼnimo Ala kava neʼmo muki lokiyaʼnimo haneʼniye. Nagaemo miya faiʼna hatu maeʼna kateʼnova vekamoʼnamo Isaleli vayaʼai aote Gotiʼapimoʼnamo maiʼnove. Muki ma mopafi vayaʼai Gotiʼapimoʼmo maiʼniye, huʼa agi neʼae.

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Neniyo 5:7

Kini vekamoʼmo alopa gefatiʼmo kanefiʼmo ageʼa aiyaka neʼaliya vayanagi Kalatiya vayanagi afole aisiya kavafeʼmo ava gemo nehaya vayanagi huʼa apavaleliʼa esayafeʼmo keya aeno ge huʼniye. Kini vekamoʼmo ani afiteʼa ageʼnaya vayaʼaifeʼmo hapa painoʼaeʼmo, ina laʼmo mani gemo lekana paiteno aepaʼamo naha paisifi nagaemo kini vayaʼmogi neʼvaiya agufa haesa kukena yaʼmo vaiʼna ateteʼna goli seli nofiʼmo lugoʼafiʼmo huʼna atesugeno napa tali gamani vekamo yagaino apatesiya vekamo maigiye, huno huʼniye.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Yoni 3:29

Aʼmo aligesuve, huno huʼniya vekamoʼmo alisiya a kanomo agaiʼa aʼmae. Aʼmo aliguve, huno huʼniya vekamo ao vekamo eno magokepi lokaeno he tino maiʼnigeno aʼmo aliguve, huno huʼniya vekamoʼa amogaga aino ge higeno afitenoʼaeʼmo amogaga neʼaiye. Ani kava huno aʼmo neʼaligeʼnaeʼmo namogaga neʼauva kavaʼmo alagi haeʼmae.

1 Kolitiyani 9:5

Mago Goti apa vayaʼamogimogi Ala kava neʼmo agufale aganaʼamogimogi Pitamogi huʼa Kalisitini hamaleʼnaya aʼneʼapimo apavaleliʼa uʼnae. Ani kavaʼmo hisuva himamuʼnimo ohaneʼnifiye.

2 Kolitiyani 11:2

Gotiʼa lapakaefeʼmo kaino nefaiya kava huʼna kaino nefauve. Nagaemo magoke vekamo Kalaisi aʼamo maisayafeʼmo, apavaleʼna kamiguve, huʼna Kalaisifeʼmo ha paiʼnove. Lapakaemo veʼeʼmo lokaeno ohavaeʼniya aʼmafaʼnemoʼa yaveyave kavaʼmo nehiya aʼmafaʼnegana hutapa maiʼnisageʼna lapavalelinuʼna haiʼna amisuvafeʼmo nehuve.

Leveleseni 21:2

Ageʼnovana aote taonimo saufa Yulusalemu taonimo Gotitegatiʼmo kokuʼnapatiʼmo emineʼnigeʼna ageʼnove. Ani taonimoʼmo mago saufa aʼmafaʼnemo veleʼmo maisiyafeʼmo hauʼnigeno alagepa kukena yaʼe alagepa konali yaʼaʼeʼmo vaino aliteno maiʼniya aʼmafaʼnegana huno haneʼniye.