Salomoni Yokemae 4:8 - The Keyagana NT and 25 OT books

⁸ Aʼnimogae, huʼna, kagaemo nagaeʼeʼmo Lemanoni aveletiʼmo ataleka ugetaʼao. Amana aveletiʼmo agege Sena aveletiʼmo agege Hemoni aveletiʼmo agege huka ago. Ani loleʼe magoʼe avefiʼmo Laiyoni anagaʼe Laiyonigana huʼa maiʼnaya afela pusi anagaʼeʼmo maiʼnae.

Salomoni Yokemae 4:8 ပူးပေါင်းရင်းမြစ်များ

2 Kini 5:12

Namasakasi kotega Emana aniʼmoʼe Fapa aniʼmoʼeʼmo muki Isaleli kotega aniʼmo ago aeno aga seʼniye. Nagaemo ani lole anitalapiʼmo aniʼmo faleteʼna alagepa huʼna oʼmaigufiye, huno huteno lusi kava huno aipamo leʼnigeno ataleno uʼniye.

Samu 45:10

Kini vekaleʼmo maisana aʼmafaʼnemogae, huʼna, kagesa afifi huteka kaipamo namiyo. Vayakaeʼmo kagesamo oʼafige afokamo vayaʼaifeʼmo kagesamo oʼafige huteka kage kanika apatalegenoʼao kini vekamoʼmo, aeto agufa kanale aʼnimo maiʼnane, huno huteno amuse huno kateno. Ala kava nekamo maiʼniyaʼmofeʼmo agaefekeʼmo mono huteka aiyafiʼmo maiʼneka geʼamo afiyo.

Samu 72:16

Avina yaʼmo apayapiʼmo neʼaliya agufa kava huno ma mopafiʼmo mago anaga aveleʼmo hakalegaiye. Hagetenoʼaeʼmo asole neʼyaʼmo aesigenoʼaeʼmo Lemani avefatiʼmo alopa yosamoʼmo uti uti neʼaiya agufa kavaʼmo hugiye. Asole kahaumo alagepa huno nelagiya kava huʼa taonifiʼmo maiʼnaya vayaʼmo lusi kava huʼa asole vayaʼmo afole aigae.

Samu 76:1

Yuta vayaʼmogimo Gotiʼa ageʼa alagepa huʼnae. Isaleli vayaʼai apaulagaleʼmo ala agiʼamo aliʼniye.

Samu 76:4

O Gotiyo, huʼna, Ha le konali yakamoʼmo asole avemogi ha le konali yaʼapimo aeka aga seʼnane.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Salomoni Yokemae 2:13

Fiki yosamoʼa aepa faino alagamo aeʼnigenoʼaeʼmo nofiʼmoʼa ausemo heʼnigeno alagepa atumo aiʼniye. Nahau nayamopafiʼmo neʼnahaiya aʼnimo kanale alagepa aʼnimogae, huno, he tika egetaʼao uguʼae.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Salomoni Yokemae 7:11

Nahau nayamopafiʼmo neʼnahaiya vekaʼnimogae, huʼna, nagaeʼeʼmo magokepi lokaeka egetaʼao malaga uguʼae. Utaʼa alu aise taonifiʼe alu aise taonifiʼeʼmo havaegauʼae.

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yasuva 12:1

Isaleli vayaʼmogimo kini vayaʼeʼmo kame huteʼa huʼa aeʼa apaka seteʼa mopaʼapimo aliʼnae. Aliʼnaya mopamo haneʼniyana Yoneni aniʼmo mugagayaga yegemo haine neʼeya haopalega koʼmo aliʼnae. Ani aliʼnaya mopamo hakuʼapimo Anoni aniʼmo kagoʼmu kotetiʼmo aepa faiteno hanelinuno Yoneni aniʼmo kagoʼmu kotetiʼmo hanelino Hemoni aveleʼmo uʼniye.