Salomoni Yokemae 4:3 - The Keyagana NT and 25 OT books

³ Kavayamo kanale haesa nofikana huno haneʼnigeka alagepa kagemo neʼaine. Kayokaʼmoʼmo aino ati kaeʼniya kagesa aepaleʼmo mago yosamo agiʼamo pamagalanati alagamo aino apalo atiʼniya yosa alagagana huno haneʼniye.

Salomoni Yokemae 4:3 ပူးပေါင်းရင်းမြစ်များ

Aepa Gemae 32:10

Kagaemo aliʼyakamo neʼaluva vekamoʼnaeʼmo kahau huka natege naha maege lama gemo alika nave lige huʼnana kavapiʼmo uʼna haiʼna metaleʼnove. Nagaemo hogoteʼna Yoneni aniʼmo lakaeʼna uʼnova afinaʼmo mago yaʼnimo oʼaliʼnovaʼmonanafa hayopa kayoʼnigeʼmo aliniʼna uʼnove. Aliniʼna uʼnovaʼmonanafa hemenimo halate eʼnova afinaʼmo lole alulaʼmo afole aiʼnone.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 119:13

Nagaemo navayafatiʼmo muki gekamo fatago kavaʼmo huka kavayafatiʼmo alika fako nehana keʼaepa gekamo aeʼna hakalo huʼna hapa paiʼnove.

Samu 37:30

Fatago vayaʼmogimo ageteʼa afiʼnaya gemo huge gemo alagepa huʼa aliʼa fako huʼa afiteʼa ge huge nehae.

Samu 45:2

Kagaemo aeto agufa kanale vekamo maiʼneka muki vayaʼmo alagi aeka apakaseka maiʼnane. Gotiʼa fiku hapa maeno neʼapamiya gemo kavayafiʼmo maleʼnigeka ani gemo nehane. Gotiʼa muki afinaʼmo alino auleno neʼateyaʼmofeʼmae.

Mai'naya kavane 10:13

Afiʼa aeto nehaya vayaʼmogi afiteʼa neʼagaya gemo nehayaʼmonanafa apakesamo ohaneʼniya vayaʼaina kayoʼmo apamigae.

Mai'naya kavane 31:26

Agaemo afiteno ageʼniya gemo nehiye. Vase huno hau ayamopafiʼmo hauʼnigenoʼaeʼmo hapa maesiya agufa gemo nehiye.

Salomoni Yokemae 1:5

Yulusalemu aʼmafaʼne anagaʼmogitapae, huno, nagufaʼamo anupa nagufamo haneʼniyaʼmonanafa kanale nagufaʼe a kanomo maiʼnove. Nagaemo Keta vayaʼai seli noʼapigana huʼna maiʼnovaʼmonanafa Salomoniʼa alagepa kenamo asai maleʼniya kenagana huʼna maiʼnove.

Salomoni Yokemae 4:11

O aʼnimogae, huʼna, Kavayafatiʼmo lume anumo asagauno neʼaiye. Kavenafuʼnamo afeʼalumelaga lume anuʼe nuʼanuʼeʼmo haneʼniye. Kukenakalegatiʼmo alagepa atumo Lemanoni avefatiʼmo neʼaiya agufa alagepa atumo neʼaiye.

Salomoni Yokemae 5:13

Agalametaletiʼmo alagepa atumo neʼaiya yosamo aise yosamo hiʼyalamuteʼmo haneʼniya yosagana huno hanege kahaumo ausemo aulafilega haneʼniya kahaumo ausegana huno hanege huʼniye. Avayamo kanale kahaumo ausegana huno haneʼnigeno avayafatiʼmo alagepa atumo neʼaiya aniʼmo meya aniʼmo lape tape huno asagauno neʼaiye.

Salomoni Yokemae 5:16

Avayafatiʼmo haga huʼniye. He, muki agufaʼamo alagepa agufamo haneʼniye. Yulusalemu aʼmafaʼne anagaʼmogitapae, huʼna, Agaemo nahau nayamopafiʼmo neʼnahaiya vekaʼnimo maige nao vekaʼnimo maige huʼniye, huʼna lapa paiʼnove, huno hapa paiʼniye.

Salomoni Yokemae 6:7

Kayokaʼmoʼa kagesa aepaleʼmo aino ati kaeʼniya kagesa aepamoʼmo mago yosamo agiʼamo pamagalanati yosa alagamo aino apalo atiʼniya yosa alagagana huno haneʼniye.

Salomoni Yokemae 7:9

Kavayamo nofi alagafati aniʼmo hogote anikana huno hanegaiye, huno ha paiʼniye. Ani nofi alagafati aniʼmo nahau nayamopafiʼmo neʼnahaiya vekaʼnilefeʼmo haneʼniye. Ani aniʼmoʼa hagaʼageʼmo huʼniye. Apaukalegekana huʼa neʼmaiya vayaʼmogimo neʼneʼapaeʼmo ge nehae.

Matiyu 12:35

Alagepa vekamoʼmo kesiʼafiʼmo alagepa yaʼageʼmo ageno maleʼniya yapatiʼmo alagepa yaʼageʼmo alino afole neʼaiye. Ani kava huno hosu vekamoʼmo kesiʼafiʼmo hosu yaʼageʼmo ageno maleʼniya yapatiʼmo hosu yaʼageʼmo alino afole neʼaiye.

Luki 4:22

muki vayaʼmogimo fiku hapa maeno neʼapamiya gemo avayafatiʼmo huʼnigeʼa afiteʼapaeʼmo hapau aiteʼapaeʼmo, Yosefe mafaʼnemo oʼmaiʼnifi, huʼa huʼnae.

Efasasi 4:29

Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.

Kolosi 4:6

Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.

Himulu 9:19

Ani kavatefeʼmo Moseseʼa muki keʼaepa geʼamo muki vayaʼaifeʼmo hapa paiteno aikeli pulumakaʼe memeʼeʼmo amagiteno kolaʼamo anipiʼmo laki maleʼneno sipisipimo haesa ayokaʼmo yosa akopamo agiʼamo hisopu akopaleʼmo maleno ki maleʼneno kolapiʼmo aeteno keʼaepa gemo haneʼniya mukuleʼe muki vayaʼai apakufaleʼeʼmo aino fuli fuli huʼniye.