Salomoni Yokemae 3:7 - The Keyagana NT and 25 OT books

⁷ Ageyo, huʼna, Mago vayaʼmogi Salomoni siyamo aliniʼa neʼae. Sigisitiʼa Isaleli ati vayaʼmo koli nosaya lokiya ati vayaʼmogimo faiʼa vego huʼa ateliʼa neʼae.

Salomoni Yokemae 3:7 ပူးပေါင်းရင်းမြစ်များ

2 Kini 6:17

Ilaisaʼmo ina gemo huno nunumuʼmo hunoʼaeʼmo, Ala kava nene, huno, Kagaemo ani vekamo aulagamo alika ayakeka ategenoʼa ani huʼnova nofi vayaʼmo apakeno, huno nunumuʼmo huʼnigeno Ala kava neʼmoʼa neya vekamo aulagamo alino ayakeʼnigeno Ilaisaʼmo maiʼniya aveleʼmo atagana huʼa hosi anaganagi talalagi huʼa maiʼa kili paeteʼa Ilaisateʼmo faiʼa vego huʼnageno apakeʼniye.

Salomoni Yokemae 1:16

Nahau nayamopafiʼmo neʼnahaiya vekaʼnimogae, huʼna, Vaeʼkanale alagepa vekamo maiʼnane. He kanale alagepa vekamo maiʼnane. Hipatiʼamo alino hegafa hu maleʼniye.

Salomoni Yokemae 3:6

Ageyo, huʼna, Ina laʼmo yahaofilagamo aniʼmo ohaneʼniya kotegatiʼmo haine neʼe. Maketiletiʼmo miya nefaiya laʼnefamo atafiʼmo nekaya afinaʼmo alagepa atumo neʼaigeno halinaʼamoʼmo posigana huno haneʼneno halinamo ailinuno nehaiya kava huno haine neʼe.

Salomoni Yokemae 3:8

Muki vayaʼamogimo kame nehaya kavaʼmo ageʼa alagepa huʼnaya vayaʼmogi naipeʼapimo aliniʼa neʼae. Haniʼilagamo afole neʼaiya kavafeʼmo koli nehayaʼmofeʼmo naipeʼapimo apaluteʼmo maleʼnae.

Salomoni Yokemae 3:9

Kini vekamo Salomoniʼa Lemanoni kotegati aliʼnaya alagepa yosaletiʼmo alini uʼeʼa nehaya siyaʼamo mago aise nokana huno kiʼniye.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

1 Samiyo 14:52

Soloʼmo muki afinaʼmo kini vekamo maiʼniya afinaʼmo ati vayaʼamogimo Filisatini vayaʼeʼmo lokiya vaiʼa kamemo huʼnae. Soloʼmo muki afinaʼaeʼmo lokiya vayaʼmo apakege kame hisayafeʼmo koli nosaya vayaʼmo apakege huteno apavaleʼnigeʼa ati vayaʼamo hamaleʼnae.

1 Samiyo 28:2

Neviniʼmo Ekisifeʼmo ha painoʼaeʼmo, Kagaemo afaʼa hisuva kavaʼmo ago ageʼnane, huno huʼnigeno Ekisiʼmo ha painoʼaeʼmo, Kanalene, huno, muki afinaʼmo yagaiʼa neʼnataya vayaʼaiteʼmo yagaika apategane, huno ha paiʼniye.

1 Samiyo 8:16

Agaemo aliʼyatapimo neʼaliya ve anagaʼe aʼne anagaʼeʼmo apavalege hogote alagepa neya vayatapimo apavalege nokitapimo apavalege huteno alino agaiʼa aliʼyateʼmo apategaiye.