Salomoni Yokemae 1:2 - The Keyagana NT and 25 OT books

² Nagaefeʼmo kahau kayamopafiʼmo kahauʼniya kavaʼmoʼa alagepa nofi alagafati aniʼmoʼa nehiya agufa hagaʼamo ago aeno agaseʼniyaʼmofeʼmo yafayaʼmo huka natesanafeʼmo neʼnahaiye.

Salomoni Yokemae 1:2 ပူးပေါင်းရင်းမြစ်များ

Aepa Gemae 29:11

Yekopuʼa Lesoʼmo uno haeno neʼneno lusi kava huno alopa gefatiʼmo aviʼyaʼmo huʼniye.

Aepa Gemae 45:15

Yosefeʼa muki nepuʼamogimo magoke magoke huno apanukiʼneno aviʼyaʼmo huteno hapaeno neʼniye. Hutegeʼapaeʼmo agaeʼeʼmo gege huʼnae.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 36:7

O Gotiyo, huʼna, olataleka lagaefeʼmo kahau kayamopafiʼmo kahauʼniya kavakamoʼmo kanale alagepa kavaʼmo haneʼniyaʼmofeʼmo lahauʼniye. Kagaefeʼmo alita amufa kamiʼnonaʼmofeʼmo kahakumo auneʼafiʼmo uta fala kita neʼmaune.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Salomoni Yokemae 2:4

Agaemo alopa neʼyaʼmo neʼnaya noʼafiʼmo navalelino uno haino nagaefeʼmo hau ayamopafiʼmo hauʼniya kavatefeʼmo kalahauʼmeʼmo nagenopaleʼmo asai maleʼniye.

Salomoni Yokemae 4:10

Nasaʼnimogamo aʼnimae, huʼna, Nagaefeʼmo kahau kayamopafiʼmo kahauʼniya kavaʼmoʼa kanale alagepa kavaʼmo haneʼniye. Ani kahauʼniya kavakamo hagaʼamoʼmo nofi alagafati aniʼmoʼa nehiya hagaʼamo alagi ago aeno agaseʼniye. Ani nefalana aniʼmoʼa alagepa atuʼamoʼmo muki alagepa atumo neʼaiya yaʼmo atuʼamo ago aeno agaseʼniye.

Salomoni Yokemae 5:16

Avayafatiʼmo haga huʼniye. He, muki agufaʼamo alagepa agufamo haneʼniye. Yulusalemu aʼmafaʼne anagaʼmogitapae, huʼna, Agaemo nahau nayamopafiʼmo neʼnahaiya vekaʼnimo maige nao vekaʼnimo maige huʼniye, huʼna lapa paiʼnove, huno hapa paiʼniye.

Salomoni Yokemae 7:12

Havaetetaʼaeʼmo kotilamisiyapiʼmo he titaʼa nofi hoyalegamo utaʼaeʼmo nofiʼmoʼa ago ausisimo aeʼnisifi auseʼamo ago aino ata leʼnisifi pamagalanati yosamoʼa ago ause heʼnisifigetaʼa utaʼa agegauʼae. Maiʼnetaʼaeʼmo nahau nayamopafiʼmo neʼnahaiya kavaʼnimo aliʼna kave liguve.

Salomoni Yokemae 7:6

Nahau nayamopafiʼmo neʼnahaiya a kanomogae, huʼna, alagi kanale a kanomo maiʼnane. Muki yaʼakamoʼmo namogaga aisuva agufa kavaʼmo nehiye.

Salomoni Yokemae 7:9

Kavayamo nofi alagafati aniʼmo hogote anikana huno hanegaiye, huno ha paiʼniye. Ani nofi alagafati aniʼmo nahau nayamopafiʼmo neʼnahaiya vekaʼnilefeʼmo haneʼniye. Ani aniʼmoʼa hagaʼageʼmo huʼniye. Apaukalegekana huʼa neʼmaiya vayaʼmogimo neʼneʼapaeʼmo ge nehae.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.

Matiyu 26:26

Neʼyaʼmo neʼneʼapaeʼmo Yesuʼa peleti mayamo alino auleno ateteno nunumuʼmo huteno akaya heno geʼamo neʼafiya vayaʼmo apamitenoʼaeʼmo, mani peleti mayamo nagufaʼnimo haneʼniye.

Luki 15:20

ataleno he tino afoʼamotegamo eʼniye. Afagitega eʼnigeno afoʼamoʼmo agetenoʼaeʼmo hau huno ateteno nagu nagu huno uno anu kiteno haeno neʼniye.

Apa 21:7

Taiya taonifatiʼmo ataleta aniʼmo lakaeta Tolemesi taonifiʼmo uta avaʼyi huteta uta lamita konagatimogifeʼmo ge apamamaeteta apakaeʼeʼmo magoke afinaʼmo lokaeta maiʼnone.

1 Pita 5:14

Konagatapieʼmo lapau lapayamopafiʼmo lapauʼninagetapa ge apamamaetapa hapaeta neyo. Kalaisi Yesupiʼmo maiʼnaya vayaʼmogitapae, huʼna, lapaipamoʼmo falu hino.