Omataiya 1:15 - The Keyagana NT and 25 OT books

¹⁵ Ala kava neʼmoʼna afinaʼmo ago eno hogo huʼniye. Ani afinaʼmo muki nofi vayaʼmo agoti huʼna apategauve. Inomi vayaʼmogitapae, huʼna, Lapakaemo apakaetegamo hosu kavaʼmo huʼnaya agufa kavaʼmo huʼa lapakaetegamo hosu kavaʼmo hugae. Hosu kavaʼmo huʼnaya anonatapilefeʼmo hosu kavaʼmo hugae.

Omataiya 1:15 ပူးပေါင်းရင်းမြစ်များ

Esata 9:25

Kahauya huʼniyaʼmonanafa Esataʼa kini vekalegamo uʼnigenoʼaeʼmo kini vekamoʼmo Hemaniʼmo hosu kavaʼmo hisiyafeʼmo agesamo afiʼniya kavaʼamoʼmo agaiʼa agenopaleʼmo asagauno aisigeʼa agaiʼaʼe muki mafaʼne anagaʼaʼeʼmo posi yosaleʼmo apaneʼmu aeʼa asaisayafeʼmo keʼaepa gemo avoʼmo kaeʼniye.

Samu 137:8

Mamiloni taonifi vayane, huʼna, mago kame vayaʼmogi eʼa alagi aliʼa hosu huʼa lapatalegae. Lagaetegamo huʼnaya hosu kavaʼmo anonatapilefeʼmo aeʼa atagaina huʼa hisaya vayaʼmo aulena vayaʼmo maigae.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.

Maika 5:15

Inagi nagaemo lusi kava huno naipamo leʼnisigeʼna ani nofi vayaʼmogimo geʼnimo akame osuʼnaya kavaʼmo anonaʼapilefeʼmo apamiguve, huno huʼniye.

Hamakaki 2:8

Kagaemo kamemo huka aeka apaka seteka muki vayaʼai kagemi yaʼapimo aliʼnanaʼmofeʼmo aise logufaʼa vayaʼmogi kagaeʼeʼmo kamemo huteʼa huʼa aeʼa kaga seʼa kagemi yakamo aligae. Kagaemo vaya hapaeka kolaʼapimo aika lakiʼnane. Kagaemo muki mopamo alika hosu huka atege asole taonimo alika hosu huka atege asole alu nofi vaya alu nofi vayaʼmo hapaege huʼnanaʼmofeʼmae.

Matiyu 7:2

Haiya kava hutapa vayaʼai kavaʼapimo alita fako huta neʼapatesafi ani agufa kavakeʼmo huno alino fako huno lapategaiye. Na agufa kavatetiʼmo alita fako hutapa neʼapatesafi ani agufa kavakeʼmo huno alino fako huno lapategaiye.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.