Omataiya 1:10 - The Keyagana NT and 25 OT books

¹⁰ Lapakaemo konagatapimo Yekopu nofi vayaʼmogi yaʼmo kumayaʼmo alitetapa kamitimo apamagiʼnayaʼmofeʼmo nagaemo aliʼna hano huʼna lapatalesugeʼa muki afinaʼmo lapakitapileʼmo aliʼa afepiʼmo atege atege huʼa maigae.

Omataiya 1:10 ပူးပေါင်းရင်းမြစ်များ

Aepa Gemae 27:11

Ani ge huʼnigenoʼaeʼmo Yekopuʼa hunoʼaeʼmo, Afiyo, huno, Isoʼmo muki agufaʼalegamo ayoka kauʼe vekamo maiʼnigeʼna nagaemo nayoka oʼaeniya nagufaʼe vekamo maiʼnove.

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Samu 137:7

Ala kava nene, huʼna, Kagaemo Inomu vayaʼmogimo lagaeʼeʼmo kamemo huteʼa Yulusalemu taonifiʼmo eʼnaya afinaʼmo huʼnaya kavafeʼmo kage okanika kagesamo afiyo. Apakaemo ina gemo huʼapaeʼmo, Muki Yulusalemu taonimo heta halagape vaita alagi alita hosu huta ataleyo, alagi alita hosu huta ataleyo, huʼa huʼnae.

Samu 69:7

Kagaetefeʼmo huʼa faipa huʼa nateʼnageno navagage huʼniye.

Samu 89:45

Kagaemo ataleʼnanageno malage huno ago kosuna leʼniye. Lokiyaʼamo ohaneʼnigeno avagage huʼniya kavaʼamoʼmo aino ati kaeʼniye.

Mai'naya kavane 10:6

Gotiʼa fatago vayaʼmo fikumo hapa maeno neʼapamiyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 17:5

Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Maika 7:10

Agesugeno kame vayatieʼmo hunoʼaeʼmo, Ala kava neʼmo Gotikamoʼmo haiyaʼaleʼmo maiʼniye, huno huʼniya a kanomoʼmo agesiyana Ala kava neʼmoʼa alagepa huno naha maesigeno agetenoʼaeʼmo lusi kava huno avagage hugiye. Vayaʼmogi kateʼmo uʼeʼa huʼapaeʼmo hapafiʼmo aeʼa nekasaliya kava huʼa hemenimo vayaʼmogi ani a kanomo kame vayatimogi aeʼa lata paisageʼna agegauve.