Neyomi 3:1 - The Keyagana NT and 25 OT books

¹ Niniva vayaʼmogitapae, huʼna, Ehetapiye, kage gage hugae taonifi vayaʼmogi uʼa muki hosu kavaʼmo huteʼa asole vayaʼmo kamitimo apamagiʼnaya vayane. Asole vayaʼmogimo asole aigofe gemo huge kumaya alige huʼa maiʼneʼa ani taonifiʼmo kili paeʼnae. Lapakaemo ani hosu kavaʼmo alagi oʼatalegae.

Neyomi 3:1 ပူးပေါင်းရင်းမြစ်များ

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Aiyeya 42:24

Ina laʼmo huʼnigeʼapaeʼmo kame vayaʼmogi eʼa aliʼa hosu huʼa ataleteʼa lagaemo Isaleli vayaʼmogita yaʼmo aliʼnae. Ala kava neʼmoʼa huʼnifiye. He, agaemo Ala kava neʼmokeʼmae. Lagaemo agaetegamo hosu kavaʼmo huʼnone. Lagaemo agaefeʼmo lakameʼyamo amiteta kaʼaleʼmo visunafeʼmo olahauʼniye. Ina kava huta keʼaepa geʼamo amagita ataleʼnone.

Neyomi 2:12

Ani laiyoni anagaʼmogimo afumo haetenoʼaeʼmo a laiyonimoʼe anaʼaumogiʼeʼmo nesayafeʼmo hanino katali huno aise aise huʼniye. Agaemo apanopiʼmo afumo maleno havaite maleʼniye.

Neyomi 2:13

Ala kava neʼmo muki lokiyaʼamo haneʼniya vekamoʼmo Niniva vayaʼaifeʼmo ina ge huno hapa painoʼaeʼmo, Nagaemo kame vekatapimo maiʼnove. Nagaemo muki lapakae talalamo kaeʼna atalege laiyoni aikeli anagatapimo naipeletiʼmo apaige huguve. Nagaemo lapakaeʼeʼmo kame huteʼa alu vayaʼmogimo eʼa muki yatapimo aliʼnaya yaʼmo aliguve. Lapakaemo alu kotega vayaʼmo alita apatesageʼa getapimo aliniʼa visaya vayaʼmogi gemo oʼafigae, huno hapa paiʼniye.

Hamakaki 2:12

Vaehae, huʼa, mago vekamoʼmo asole vayaʼmo hapaeteno mago taonimo kiʼniya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Agaemo hosu kavaʼaletiʼmo taoniʼamo alino lokiya vaino ateʼniye.