Neyomi 2:10 - The Keyagana NT and 25 OT books

¹⁰ Niniva taonimo taoniʼageʼmo haneʼnigeno vayaʼmo oʼmaiʼnae. Muki yaʼmo alagi hosuʼnigeno no atufaʼageʼmo haneʼniye. Niniva taonifi vayaʼmogi lusi kava huʼa koli huʼnagenoʼaeʼmo apaiyamoʼmo atete huge lokiyaʼapimo hano huge huʼnigeno apaugosamoʼmo alino kola paige huʼniye.

Neyomi 2:10 ပူးပေါင်းရင်းမြစ်များ

Aepa Gemae 1:2

Huʼniyaʼmonanafa mopaʼageʼmo hanege kokuʼnaʼageʼmo hanege huʼnigeno magoke yaʼmo alagi ohaneʼniyaʼmofeʼmo kanale osuʼniye. Muki haopalegamo alopa aniʼmo haneʼnigeno hani huʼniye. Goti Aunemeʼamoʼmo ani alopa aniteʼmo halelinuneno huno haku aige aige huno maiʼniye.

Samu 22:14

Aniʼmo aliʼa mopafiʼmo lakitalageno uno lamino hano nehiya kava huno lokiyaʼnimo alagi ohaneʼniye. Muki nayamufaʼnimo uno aeno haniʼniya nayamufamo aino hatu maeʼniye. Naipamoʼmo ani hegekana huʼniye.

Neniyo 5:6

Inagi kini vekamoʼmo agetenoʼaeʼmo aeto agufa augosamo kaliteno agesa neʼafigenoʼaeʼmo lusi kana yaʼmo aipafiʼmo afole aitegeno aumiʼyalaʼmo hatu maeʼnigeno aiyamoʼa lusi atete huʼnigeno aiyalaʼmo alino salukiʼniye.

Neyomi 2:2

Asiliya kame vayaʼmogi Isaleli vayaʼeʼmo kamemo huteʼa muki alagepa yaʼapimo aliʼnayaʼmonanafa Ala kava neʼmoʼa hogoteno haneʼniya kava huno Isaleli vayaʼmogi ha le konali yaʼapimo alino afole aino ategaiye.

Neyomi 3:7

Apakaemo kagaemo kagesaya afinaʼmo mukiʼamogimo halate alime ugae. Ageyo, huʼa, Niniva taonimo noʼatufaʼageʼmo haneʼniyanageno mago vekamoʼmo agaefeʼmo hau huno oʼategaiye. Haiyategatiʼmo mago vekamoʼmo ha maesiya agufa alagepa gemo hisiya vekamo egaiye.

Sefanaiya 3:6

Ala kava neʼmoʼa hunoʼaeʼmo, Nagaemo alu vaya alu vayaʼmo aliʼna hano huʼna apataleʼnove. Muki taoniʼapimo aliʼna hano huʼna atalesugeno no atufaʼageʼmo hanege yafa kegiʼyamo amagiʼa naku paege kateʼmo umenitata hisaya vayaʼmo oʼmaige hugae.

Yasuva 2:11

Lagaemo ani gemo afitetaeʼmo lapakaefeʼmo kolitapimo huʼnonagenoʼaeʼmo lokiyatimo alagi ohaneʼniye. Ala kava neʼmo Gotitapimoʼmo ma mopalenagi kokuʼnatenagi huno Gotiʼa maiʼniyaʼmofeʼmae.

Yasuva 7:5

Ai vayaʼmogi taonimo kegiʼya kipatetiʼmo Isaleli vayaʼmo apavegala aeʼa hapaeli hapaeliʼa avelegatiʼmo uʼa nelamiya kateʼmo Semali kotegamo uʼnae. Teti sigisiʼa Isaleli vayaʼmo hapaeʼnayaʼmofeʼmo Isaleli ati vayaʼmogi apaipamoʼmo ani heʼniye.