Neyomi 1:7 - The Keyagana NT and 25 OT books

⁷ Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Neyomi 1:7 ပူးပေါင်းရင်းမြစ်များ

Esala 3:11

Ala kava neʼmo mono noʼmo faiʼa atesaya yafaʼmo maleʼnayaʼmofeʼmo apakaemo Ala kava neʼmo ala agiʼamo amige haoke hege huʼa yokemo huʼnae. Mago vayaʼmogimo yokemo huteʼa neʼatalageʼapaeʼmo alu vayaʼmogi yokemo huteʼa huʼnae. Ina gemo huʼa yokemo Ala kava nefeʼmo haoke heʼa huʼnae. Yokemo huʼapaeʼmo, Agaemo alagepa Gotiʼa maiʼniyaʼmofeʼmae. Muki afinaʼmo Isaleli vayaʼmogitapaeʼmo hau huno lapatege lapatege huno hau huno maigiyaʼmofeʼmae, huʼa yokemo huʼnae. Yokemo hutageʼapaeʼmo muki vayaʼmogi alopa gefatiʼmo keya aeʼa ge huʼa Ala kava neʼmo ala agiʼamo amiʼnae. Ala kava neʼmo mono noʼamo faiʼa atesaya yafaʼmo maleʼnayaʼmofeʼmo ala agiʼamo amiʼnae.

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 100:5

Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.

Samu 20:1

Kagaemo hanageke yaʼmo alisana afinaʼmo Ala kava neʼmoʼa kaha maeteno. Yekopu Gotiʼamoʼmo alagepa huno yagaino kateno.

Samu 25:8

Ala kava neʼmo alagepa fatago vekamo maiʼniyaʼmofeʼmo hosu vayaʼmogi alagepa kateʼmo visayafeʼmo alino apaya malegaiye.

Samu 27:5

Hanageke yaʼmo afole aisiya afinaʼmo alino fala kino natege alopa mono noʼafiʼmo alino fala kino natege huteno yatala yafateʼmo nasagauno faino nategaiye.

Samu 37:39

Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.

Samu 37:40

Apakaemo Ala kava nefekeʼmo aliʼa amufa neʼamiyaʼmofeʼmo hatu maeno apateteno hosu vayaʼai apayapatiʼmo apavalelineno apakufamo alino katino neʼapate.

Samu 46:2

Ani kava huno maiʼniyaʼmofeʼmo imima alige avemo aino nakupaeno emineno solovala anipiʼmo asagauno aisigeno solovala aniʼmo aino holakau holakau hisigeno alopa agemo aige avemoʼa kanage huge nehisigetaeʼmo koli osugune.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 59:16

Keya neʼaeyaʼmonanafa nagaemo lokiyakalefeʼmo yokemo huguve. Muki neteʼae nateʼaeʼmo alopa gefatiʼmo kagaemo nagaefeʼmo kahauʼniya kavafeʼmo oʼatalesana kavafeʼmo yokemo huguve. Alu kana ya alu kana yaʼmoʼa nagaeteʼmo afole aiʼnigekaeʼmo kagaemo alagepa huka yagaika nateteka lokiya noʼnigana huka maiʼnanageʼna kagaepiʼmo alagepa huʼna maiʼnove.

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Samu 91:15

Nagaefeʼmo keya aeno ge hisigeʼnaeʼmo afiguve. Hanageke yaʼmo neʼalisigeʼnaeʼmo agaeʼeʼmo magokepi lokaeʼna maiguve. Agufamo aliʼna katiʼna ateteʼna ala agiʼamo amiguve.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Aiyeya 25:4

Kagaemo kagemi yaʼapimo ohaneʼniya vayaʼmo alika lokiya vaika apateʼnane. Kagaemo kafu nehaya vayaʼmo alika lokiya vaika apateʼnane. Kagaemo fala kiʼa maiʼnaya koʼapigana huka maiʼnane. Kana yaʼmo afole aiʼniya afinaʼmo apakaiʼapimo hapa maesiya yaʼmo oʼaliʼnisaya vayaʼmo fala kiʼa maiʼnaya koʼapigana huka maiʼnane. Koli yaʼmo aliʼa neʼapamiya vayaʼmogimo apaipamo neleya kavaʼmoʼa lokiya yasimoʼmo kegiʼyamo alino agoʼya faino neʼataleya yasigana huno haneʼniyaʼmofeʼmo yasi alige ko aige amuko huge huʼniya afinaʼmo aika ati kaeka apateʼnane.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:23

Kini vekamo lusi kava huno amogaga aiteno vayaʼaifeʼmo ge huʼnigeʼa laiyonimogi kelifatiʼmo avayu huliʼa hai eʼnae. Neniyoʼa Gotiʼamofeʼmo agesamo afino fatago huʼniyaʼmofeʼmo ageʼnayana mago agufa hanageke yaʼmo alagi oʼaliʼniye.

Sefanaiya 3:12

Nagaemo lapakae folagapatiʼmo yuna apaipa vayaʼmogimo yagu yaga kavaʼmo nehaya vayaʼmo afaʼa apakeʼna apatalesugeʼa Ala kava neʼmoʼna nagiʼnilefeʼmo aliʼa amufa namigae.

Matiyu 27:43

Agaemo Gotifeʼmo alino amufa amiʼniye. Agaemo hunoʼaeʼmo, Goti mafaʼneʼamo maiʼnove, huno huʼniyaʼmofeʼmo Gotiʼa agufamo alino katino atesifigeta agegaune, huʼa huteʼa huʼa faipa huʼa ateʼnae.

Matiyu 7:23

hosu kavaʼmo nehaya vayanageʼna alagi olapakeʼnovanagi nagaetegatiʼmo ago ataleta lapaune heyo, huʼna hapa paiguve.

Yoni 10:14

Nagaemo alagepa vekamo sipisipileʼmo yagaiʼna neʼapatova vekamo maiʼnove. Afoʼnimoʼmo nageʼnigeʼna afoʼnimoʼmo ageʼnova kava huʼna nagaemo sipisipi anagaʼnimo apakeʼnogeʼa nagaemo nageʼnae. Ani kava huʼna sipisipi anagaʼnilefeʼmo afaʼa maisuva yaʼnimo ataleʼna faliguve.

Yoni 10:27

Nage neʼaugeʼapaeʼmo sipisipi anagaʼnimogi nagemo neʼafiye. Apakeʼna aeto huʼnogeʼa nakame nehae.

Lomu 11:22

Gotiʼa ani kavaʼmo huʼniyaʼmofeʼmo yuna aipamo kalino nelapateya kavaʼaʼe lokiya aipamo kalino neʼapateya kavaʼaʼefeʼmo lapakesamo afiyo. Agaemo asagauʼa aiʼnaya vayaʼaifeʼmo lokiya aipamo kalino neʼapateyaʼmonanafa lapakaefeʼmo yuna aipamo kalino nelapate. Lapakaemo yuna aipamo kalino nelapateya kavaʼafiʼmo maime maime neʼvisayana yuna aipamo kalino lapategaiyaʼmonanafa atalesayaʼmoʼmo Gotiʼa ani kava huno lapakaeʼeʼmo alino lo aeno lapatalegaiye.

Galesiya 4:9

hemenimo Gotiʼa ago ageʼnae, huʼna huguvaʼmonanafa Gotiʼa lapakeʼniye, huʼna hisuva gemo haneʼniye. Lapakeʼniyaʼmofeʼmo na kava higetapaeʼmo Gotiʼa ataletapa aita atagi netapa keʼaepa gemoʼmo afaʼa lapa oʼmaeno lokiya vaino olapatesiya gemo afeʼalumelagamo maisayafeʼmo lapauʼniye. Halate kalavusi aliʼyaʼmo neʼaliya vayaʼmo maisayafeʼmo nehafiye.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.