Neyomi 1:6 - The Keyagana NT and 25 OT books

⁶ Agaemo aipamo lesiya afinaʼmo ina laʼmo aulagaleʼmo afaʼa he tino maigiye. Aipamo leno apatesigeʼapaeʼmo haiya vayaʼmo afaʼa maigae. Aipamo leno apateteno kayoʼmo neʼapamiya kavaʼmo atagana huno vayaʼai apakenopaleʼmo asagauno neʼaiye. Aipamo neleya kavaʼmoʼa yafaʼmo aino naku nepae.

Neyomi 1:6 ပူးပေါင်းရင်းမြစ်များ

1 Kini 19:11

Ala kava neʼmoʼa Ilaiyafeʼmo, Kagaemo yafa kapatiʼmo eka emikeka aveleʼmo naulagaleʼmo he tika maiyo, huno ha paiʼniye. Afiyo, Ala kava neʼmo eno uʼnigeno lusi kava huno lokiya yasimo aliteno aveʼe yafaʼeʼmo alino anaku paeʼniye. Ala kava neʼmo ani yasifiʼmo oʼmaiʼniye. Yasimo alitegenoʼaeʼmo imimaʼmo aliʼniye. Ala kava neʼmo ani aliʼniya imimapiʼmo oʼmaiʼniye. Imimaʼmo alitegenoʼaeʼmo ata leʼniye. Ala kava neʼmo ani atafiʼmo oʼmaiʼniye. Atamo letegenoʼaeʼmo mago vekamoʼmo aise gefatiʼmo sumi sumi huno ge huʼniye.

Samu 130:3

O Gotiyo, huʼna, hosu kavatimo alika fako huka lateteka miyatimo lamiʼnanesinana Ala kava nene, huʼna, ina laʼmo afaʼa faino kasalo paeʼniyesine.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 76:7

Vayaʼmogimo kagaefeʼmo koli hiyo. Kaipamo lesigekaeʼmo ina laʼmo kaulagaleʼmo he tino maigiye. Haʼao, mago vekamoʼmo afaʼa he tino oʼmaigiye.

Samu 76:8

Kagaemo agoti huka apatesana afinaʼmo kana yaʼmo apamiʼnageʼa maiʼnaya vayaʼai apakufamo alika katika apatesanafeʼmo he tika maiʼnanageʼa agoti gemo kokuʼnapatiʼmo hapa paiʼnana gemo afiteʼa koli huteʼapaeʼmo geʼapimo ohaneʼniye. Apakaemo apavayaleʼmo akaniʼa maiʼnae.

Samu 90:11

Ina laʼmo kaipamo leʼniya lokiyakamo ageno alagepa huʼniye. Kaipamo leʼnigeka kayamukiki nehanageʼapaeʼmo lusi kava huʼa koli nehaya kavakamo ina laʼmo ageno alagepa huʼniye.

Aiyeya 33:14

Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.

Aiyeya 66:15

Afiyo, huʼna, Ala kava neʼmoʼa atamo aeno alisigeno asole talalaʼamoʼeʼmo lokiya yasimo aligekana huno nagu nagu huno emineno ayamukiki huno aipamo neleya atamoʼmo kame vayaʼamo alagi apaleno hano huno apatalegaiye.

Neyomi 1:2

Ala kava neʼmo kaino gemo nehiya Gotiʼa hosu kavaʼmo anonaʼapilefeʼmo kayoʼmo neʼapamiye. Ala kava neʼmoʼa lusi kava huno aipamo leʼnigenoʼaeʼmo anonaʼapilefeʼmo kayoʼmo neʼapamiye. Ala kava neʼmoʼa kame huʼa atesaya vayaʼmo hosu kavaʼmo anonaʼapilefeʼmo kayoʼmo apamigiye. Agaemo kame vayaʼaeʼmo aipamo leno neʼapateyanageno kayoʼmo apamisiya afinafeʼmo agava maiʼniye.

Sefanaiya 2:2

Fiku yanagetapa afaʼa maiʼnisageno Ala kava neʼmoʼa lekana pai maleʼniya afinaʼmo afole aigiye. Yasimoʼmo haletiʼya yaʼmo alino halelino neʼviya agufa kava huno alino lapafaitalesigetapa ugae. Ala kava neʼmoʼa aipamo lusi kava huno leno lapatesiya kavaʼmo lapakaeteʼmo afole aigiyanagi lapakaemo yagu yaga kavaʼmo nehaya vayane, huʼna, hogotetapa alita anupa huʼnetapaeʼmo Ala kava nefeʼmo kahauya hiyo. Fatago kavaʼamo alisayafeʼmo kahauya huge yagu yaga kavaʼamo alisayafeʼmo kahauya huge hutetapa himuʼnamu kavaʼmo ago ataleyo. Ala kava neʼmoʼa aipamo lusi kava huno leno apatesiya afinaʼmo alino fala kino lapatesifigi amalageka hutapa agegeyo.

Malakai 3:2

Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Leveleseni 16:1

Hutegeʼnaeʼmo afiʼnovana aote mono nopatiʼmo alopa gefatiʼmo seveniʼa enisole vayaʼaifeʼmo, Gotiʼa aipamo leno neʼapateya kayoʼmo seveniʼa yuvapafiʼmo haneʼniyanagi alinitutapa ma mopafiʼmo aitapa lakiyo, huno hapa paiʼnigeʼna afiʼnove.

Leveleseni 16:8

Hutegeno napa fo enisole vekamoʼmo yuvapaʼamo alinino uno yegeleʼmo aino lakiʼnigenoʼaeʼmo Gotiʼa yegemoʼmo leno pasagalisiya himamuʼamo amiʼnigeno yegemoʼmo leno pasagaliʼniye.

Leveleseni 6:17

Anaipamo leʼana neʼapataʼa afinaʼmo afole aiʼnigi haiya vayaʼmo afaʼa he tiʼa maigae, huʼa huʼnae.