Neyomi 1:3 - The Keyagana NT and 25 OT books

³ Ala kava neʼmoʼa vase vase huno aipamo leno apategaiyaʼmonanafa lusi kava huno lokiya Gotiʼa maiʼniye. Agaemo hosu kavaʼapilefeʼmo vaiʼapimo haneʼnisiya vayaʼmo afaʼa apakegeno oʼapategaiye. Ala kava neʼmoʼa kaʼaleʼmo neʼvigenoʼaeʼmo alopa yasiʼe koʼeʼmo afole neʼaiye. Mago vekamo uneno nehigenoʼaeʼmo mumusopamoʼmo nehiya agufa kava huno Ala kava neʼmoʼa uneno nehigenoʼaeʼmo hiyaʼmoʼa mumusopagana huno afole neʼaiye.

Neyomi 1:3 ပူးပေါင်းရင်းမြစ်များ

Samu 103:8

Ala kava neʼmoʼa hau huno apatege fiku hapa maeno apamige vase vase huno aipamo leno apatege lusi kava huno hau ayamopafiʼmo hauge nehiye.

Samu 104:3

Kagaemo nokamo anaga aniteʼmo ki maleʼnane. Hiyaʼmo talalakagana huno haneʼnigeno yasimoʼmo kagaemo kavalelino neʼviye.

Samu 145:8

Ala kava neʼmoʼa fikumo laha maeno lamige hau huno latege malage huno aipamo leno olatege hau ayamopafiʼmo hauge nehiye.

Samu 147:5

Ala kava netimo ala agi vekamo maiʼnigeno lokiya himamuʼamo haneʼniye.

Samu 50:3

Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.

Samu 62:11

Gotiʼa magoke afinaʼmo ge huʼniye. Nagaemo lole afinaʼmo nagesamo afiʼnovana Goti lokiyaʼamo haneʼniye, huʼna ago afiʼnove.

Samu 66:3

Lapakaemo Gotifeʼmo hutapaeʼmo, Alopa kavaʼmo nehanagetaeʼmo lahau aiteta kolikamo nehune. Lokiyakamo magoʼe huno alopa yaʼmo haneʼniyaʼmofeʼmo kame vayakamogimo kagaefeʼmo koli huteʼa apaleʼyamo nefaiye.

Aiyeya 66:15

Afiyo, huʼna, Ala kava neʼmoʼa atamo aeno alisigeno asole talalaʼamoʼeʼmo lokiya yasimo aligekana huno nagu nagu huno emineno ayamukiki huno aipamo neleya atamoʼmo kame vayaʼamo alagi apaleno hano huno apatalegaiye.

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Napa 14:18

Nagaemo Ala kava neʼmoʼnamo malage huʼna naipamo olege lusi kava huʼna nahau huʼna apatege hosu kavaʼapiʼe geʼnimo amagiʼa neʼatalaya kavaʼapiʼeʼmo aliʼna atalege nehuve. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapiletiʼmo mafaʼne anagaʼapigi lotoʼapimogiʼenagi apakinago vayaʼenagi huʼna kayoʼmo apamiguve, huka huʼnane.

Matiyu 26:64

ani gemo ago alagi nehane. Inagi nagaemo mukiʼamogitapaeʼmo magoʼe gemo lapa paiguve, lapakaemo agegayana Vemo mafaʼnemo lokiyaʼamo haneʼniya vekamo lamaga haopaleʼmo fai maiʼnenoʼaeʼmo he tino kokuʼnapi hiya mopaleʼmo eminesigetapa agegae, huno hapa paiʼniye.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.