Neyomi 1:10 - The Keyagana NT and 25 OT books

¹⁰ Apakaemo aufe kahaumoʼmo aino kiʼniya kava huʼa maige lokiya aniʼmo neteʼa negi nagi nehaya vayaʼmo magokepi lokaeʼa neʼmaiya kava huʼa magokepiʼmo lokaeʼa maige huʼnayanageno atamoʼmo vaiʼniya hiʼyagofafiʼmo neleya kava huno alagi alino hano huno apatalegaiye.

Neyomi 1:10 ပူးပေါင်းရင်းမြစ်များ

Samu 118:12

Luʼmegana huʼa faiʼa vego huʼa nateʼnayaʼmonanafa aufe nofipiʼmo malage huno atamo leno yu neheya kava huʼna Ala kava neʼmo himamuʼaletiʼmo alagi aliʼna hano huʼna apatalegauve.

Samu 68:2

Yasimoʼmo halinamo alino ha faitalegeno neʼviya kava huno agaemo alino hapa faino apataleno. Atamoʼmo ketoloʼmo leno amuko nehigeno kalisiʼamoʼmo aniʼmo alino ha maleteno hano huʼniya kava huʼa hosu vayaʼmo Goti aulagaleʼmo alino hano huno apataleno.

Hatu maeno apate'niya gemae 15:7

Kagaemo alagi aeka apaka seka hogote vekamo maiʼnana himamukaletiʼmo kame vayakamo alika afepiʼmo apateʼnane. Kagaemo kaipamo leʼniya kavakamoʼa atamoʼmo kahaumo leno hano huno ataleʼniya kava huno leno apasa kalino apataleʼniye.

Hatu maeno apate'niya gemae 5:12

Inagi kahaumo aliʼa anupa hisayafeʼmo muki Isaleli vayaʼmogimo Isipi haopalegamo uʼeʼa huʼa kahauya huʼa aliʼnae.

Aiyeya 5:24

Hosu kavaʼmo nehayaʼmofeʼmo atamoʼmo vaiʼniya kahaufiʼmo malage huno leno hano huno neʼataleya kava huno hosu kavaʼmo apakaeteʼmo afole aigiye. Asole vayaʼaiteʼmo yagaino neʼapateya Ala kava neʼmo keʼaepa geʼamo oʼafiʼa apakameʼyamo amiteʼa Isaleli vayaʼmogi aote Gotiʼapimo geʼaeʼmo, afa gemo haneʼniye, huʼa huʼnayaʼmofeʼmo hapafuʼyaʼapimo ago kasalisigenoʼaeʼmo haitaʼapimo hali huno asagauno aigiye.

Aiyeya 56:12

Vayaʼmo aliʼa anupa nehaya afinaʼmo apakaepatiʼmo mago vekamoʼmo ina gemo hunoʼaeʼmo, Nagaemo nofi alagafati aniʼmo aliniʼna esugeta lagaemo alino negi nagi huno latesiya aniʼmo neme neme ugune. Lagaemo egamo ani agufa kavaʼmo huteta magoʼe hutageʼmo negaune, huno hugiye.

Maika 7:4

Muki ani vayaʼmo alagi hosu vayaʼmo maiʼnayana ani vayapatiʼmo magoʼamogi aeʼa apakaseʼa aiseʼamo alagepa vayaʼmo hosu aufe nofi kahaukana huʼa maige vayaʼmo nehapaeya aufe nofikana huʼa maige huʼnae. Gotitegati gemo aliniʼeʼa aeʼa hakalo nehaya vayaʼmogi apavayafatiʼmo ehetapiye agufa gemo huʼa hapa paiʼapaeʼmo, Gotiʼa lapa painoʼaeʼmo, aliʼna hosu huʼna lapatalegauve, huno huʼniya afinaʼmo ago afole aigiye. Ani afinaʼmo apakesa afi yaʼmo alagepa huno ohanegaiyanageʼa negi nagi huʼa maigae.

Neyomi 3:11

Niniva vayane, huʼna, Lapakaeʼeʼmo naipamo leʼna lapateʼnova kavaʼmo kapufatiʼmo aniʼmo neteʼa negi nagi nehaya agufa vayaʼmo hamalegae. Lapaipa lapakesamoʼmo hosisigetapa kame vayatapilegatiʼmo ataletapa lapaune hegayaʼmonanafa afaʼa fala kita oʼmaigae.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

1 Samiyo 25:36

Inagi Amigeʼmo Nemotegamo uno avaʼyi huteno ageyana Nemoʼmo alopa neʼyaʼmo kini vayaʼmogimo nehaya agufa kavaʼmo huno yagitamo nehigeno ageʼniye. Nemoʼmo lokiya aniʼmo neteno lusi kava huno negi nagi kavaʼmo huteno amogaga aiʼniyaʼmofeʼmo mago gemo ha opaime opaime uno maiʼnigeno gotilamiyapiʼmo afole aiʼniye.