Neniyo 9:7 - The Keyagana NT and 25 OT books

⁷ O Ala kava nene, huʼna, Kagaemo fatago kavaʼageʼmo nehana Gotigamo maiʼnanaʼmonanafa lagaemo muki Isaleli vayaʼmogita hosu kavatimoʼmo muki afinaʼmo alopa lavagage yaʼmo alino nelamiye. Lagaemo Yuta kotega vayaʼmogitaleʼe Yulusalemu taonifi vayaʼmogitaleʼeʼmo hemenimo ani lavagage yaʼmo haneʼniye. Mago vayaʼakamo kataleʼa uʼnayaʼmofeʼmo alika hapa faika apataleʼnanageʼa uʼa haopaleʼmo maige afagitegamo maige huʼnaya vayaʼmogi apavagage hisiya kavaʼmo haneʼniye.

Neniyo 9:7 ပူးပေါင်းရင်းမြစ်များ

Esala 9:13

Lagaemo hosu kavaʼmo huteta alopa vaiʼmo aliʼnonaʼmofeʼmo kayoʼmo ago lamiʼnanaʼmonanafa hosu kavatimo haneʼniya kavatefeʼmo alopa kayoʼmo lamisana agufa kavaʼmo huta maiʼnonaʼmonanafa alopa kayoʼmo olamika laha maeka hosu kavapatiʼmo lagufamo alika katika lateʼnane.

Esala 9:15

O Ala kava neʼmo Isaleli vayaʼmogita Gotitimogae, huʼna, Kagaemo fatago kavaʼagekeʼmo nehana Gotigamo maiʼnanaʼmofeʼmo kagaemo lataleʼnanageta faita kasalo paeta aise vayaʼmo maiʼnone. Hemenimo kaulagaleʼmo hetita maiʼnonaʼmofeʼmo kaulagaleʼmo afaʼa he tita oʼmaigunaʼmonanafa kaulagaleʼmo hosu kavatifikeʼmo maiʼnone, huʼna nunumuʼmo huʼnove.

Samu 119:137

O Ala kava nene, huʼna, fatago vekamo maiʼneka alagepa fatago kavaʼmo huka alika fako huka neʼatane.

Samu 51:14

O Gotiyo, huʼna, nagaemo mago vekamo kamitimo amagiʼnove. Ani hosu kavaʼnimo alika atalo. Alika atalesanageʼnaeʼmo, nagufamo ago alino katino nateʼniye, huʼna huteʼna yokemo huguve.

Samu 51:4

Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Aiyeya 11:11

Ani afinaʼmo Ala kava neʼmoʼa napa tu afinaʼmo lokiyaʼamo alino apave litenoʼaeʼmo logufa vayaʼamo noʼapilegamo apavalelino egaiye. Agaemo Asiliya kotegatinagi Isipi kotegatinagi Patalasi kotegatinagi Kasi kotegatinagi Ilami kotegatinagi Saina kotegatinagi Hemati kotegatinagi afagi kotegatinagi huno apavalelino egaiye.

Aiyeya 45:16

Aigofe gotigi apauneʼamo alo nehaya vayaʼmogimo hosu apakiʼapimo aliteʼa apavagage hugiye. Apakaemo mukiʼamogimo magokepiʼmo ikaika huʼa alu apakesa alu apakesamo afigae.

Neniyo 9:14

Akame osuʼnonaʼmofeʼmo ani kana yaʼmo alo huka maiʼneka lamiʼnane. Ala kava neʼmo Gotitimogamo muki huʼnana kavaʼmo fatago kavaʼageʼmo huʼnanaʼmonanafa lagaemo gekamo akame osuʼnone.

Neniyo 9:18

O Gotiʼnimogae, huʼna, kagetafo huka afiyo. Kaulaga ageka ayakeka kagaika taonimo no atufaʼamo ago. Alagepa vayaʼmo maiʼnonaʼmofeʼmo kagaefeʼmo nunumuʼmo nosunanagi kahau huka neʼapatana kavakalefeʼmo nunumuʼmo nehune.

Neniyo 9:8

O Ala kava nene, huʼna, Kini vayatigi yagaiʼa lateʼnaya vayanagi laginago vayanagi lagaitigi huta hosu kavaʼmo huʼnonaʼmofeʼmo lavagage yaʼmo afa aligune.

Lomu 6:21

Lapakaemo hogotetapa huʼnaya kavafeʼmo hemenimo lapavagage nehiya kavatetiʼmo akamelegaʼamo alagepa yaʼmo aliʼnafiye. Haʼao, ani agufa hosu kavatetiʼmo atupa afinaʼmo falisaya kavakeʼmo aligae.