Neniyo 9:25 - The Keyagana NT and 25 OT books

²⁵ Ani kava hugiyaʼmofeʼmo kagaemo afole aisiya kavaʼmo afiteka ago. Halate Yulusalemu taonimo utapa kiyo, huno hisiya afinaʼmo seveniʼa sotamo afole aiteno sigisiti tuʼa sotamo afole aitesigeno Mesaiya vekamo yagaino apatesiya vekamoʼmo aliʼyaʼamo aepa faino aligiye. Hogoteno seveniʼa sotamo afole neʼaisigeʼapaeʼmo alopa hanageke yaʼmo afole aisiya afinaʼmo Yulusalemu kaʼe yafa kegiʼyaʼeʼmo hugae.

Neniyo 9:25 ပူးပေါင်းရင်းမြစ်များ

Esala 4:24

Ani kavaʼmo huʼnageʼa Yulusalemu taonifiʼmo Yuta vayaʼmogimo Goti mono noʼaleʼmo aliʼyaʼmo oʼaliʼa ataleʼnae. Noʼmo afaʼageʼmo haneme haneme neʼvigenoʼaeʼmo Pesiya kotega kini vekamo Naliyasiʼmo napa tu kafugaʼamo yagaino apateʼniya afinakeʼmo halate aepa faiʼa Goti mono noʼaleʼmo aliʼyaʼmo aliʼnae.

Esala 7:1

Ani kavaʼmo afole aitegenoʼaeʼmo Pesiya kini vekamo Atasekisiʼmo yagaiʼniya afinaʼmo Esalaʼmo Mamiloni kotegatiʼmo eʼniye. Esalaʼmo Eloni nofi vayapati vekamo mono huno neʼapateya vekamo maiʼniye. Esalaʼmo Selaiya mafaʼnemo maiʼnigeno Selaiyaʼmo Asalaiya mafaʼnemo maiʼnigeno Asalaiyaʼmo Hilikiya mafaʼnemo maiʼnigeno Hilikiyaʼmo Salumi mafaʼnemo maiʼnigeno Salumiʼmo Saʼnoki mafaʼnemo maiʼnigeno Saʼnokiʼmo Ehitapi mafaʼnemo maiʼnigeno Ehitapiʼmo Amaliya mafaʼnemo maiʼnigeno Amaliyaʼmo Asaliya mafaʼnemo maiʼnigeno Asaliyaʼmo Melaiyoti mafaʼnemo maiʼnigeno Melaiyotiʼmo Selahiya mafaʼnemo maiʼnigeno Selahiyaʼmo Uyi mafaʼnemo maiʼnigeno Uyiʼmo Muki mafaʼnemo maiʼnigeno Mukiʼmo Amisuva mafaʼnemo maiʼnigeno Amisuvaʼmo Finiyasi mafaʼnemo maiʼnigeno Finiyasiʼmo Eliyesa mafaʼnemo maiʼnigeno Eliyesaʼmo Eloni mafaʼnemo maiʼniye. Eloniʼa hogote vekamo mono huno neʼapateya vekamo maiʼniye.

Esala 7:8

Apakaemo napa vani afinaʼmo napa vani kaileʼmo Mamiloni koʼmo ataleʼnae. Gotiʼa Esalaʼeʼmo magokepi lokaeno maiʼnenoʼaeʼmo ha maeʼnigeno napa vani afinaʼmo faefu kaileʼmo Yulusalemu taonifiʼmo uno avaʼyi huʼniye. Ani afinaʼmo kini vekamoʼmo seveniʼa kafugamo vayaʼaiteʼmo yagaiʼniye.

Aiyeya 55:4

Nagaemo lama geleʼmo faigoko huno ha maesiyafeʼmo agaemo avaleʼna vayaʼmo apamiʼnove. Nagaemo gemo nehiya vekamo yagaino lapatesiya vekamo lekana paiʼna ateʼnove.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Neniyo 8:11

Ami vayaʼaiteʼmo neʼyagaiya vekamoʼmo ala agimo neʼaliya kava huno magoke agufa agimo aliteno ani vekamoʼmo agaiʼa agiʼaleʼmo alino asaga huʼniye. Agaemo muki afinaʼae afinaʼaeʼmo ofalini nehaya kavaʼapimo ago alino hano huno ataleteno Goti mono noʼamo alino hosu huno ateʼniye.

Neniyo 8:25

Agaemo aigofe gemo hapa paiteno humi apategaiye. Nagaemo aeʼna apaka seʼna hogote vekamo maiʼnove, huno aipafiʼmo agesamo afigiye. Asole vayaʼmogimo, afaʼa maigune, huʼa apakesamo neʼafisagenoʼaeʼmo agaemo alagepa huʼa maiʼnisaya vayaʼmo alino hano huno apatalegaiye. Agaemo koli osuno yagaiʼnaya kini vayaʼaiteʼmo yagaiʼniya kini vekalegaʼeʼmo kame huno ategaiyaʼmonanafa aeno aga osegaiye. Ma mopafi vayaʼmogi kamitimo oʼamagisiyaʼmonanafa faligiye.

Neniyo 9:23

Gotiʼa kagaefeʼmo lusi kava huno hauʼniyaʼmofeʼmo aepa faika nunumuʼmo nehanagenoʼaeʼmo gekaleʼmo aeno atagaina huno naha paiʼnigeʼnaeʼmo kaha paisuvafeʼmo emiʼneʼnove. Huʼniyaʼmofeʼmo geʼaeʼmo kagesa afifi nehuka alagamuna gemo aepaʼamo afiteka ago.

Maika 5:1

O, Yulusalemu vayane, huno, ati vayatapimo apavaleta alita anupa hutapa apateyo. Kame vayatapimogi eʼa ago faiʼa vego huʼa lateʼnae. Apakaemo Isaleli vayaʼaiteʼmo yagaiʼniya vekamo agalametaleʼmo kayotetiʼmo amagigae, huno hapa paiʼniye.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Matiyu 13:23

Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Maki 13:14

Lekana nepaiya vayaʼmogitapamo mani gemo aepaʼamo alagepa huta afiyo. Lapakaemo agegayana lusi hosu yaʼmoʼa alino hano huno atalesiya agufa yaʼmo haneʼnisigetapa agegae. Neniyoʼa Gotitegati gemo alinineno aeno hakalo huno hapa nepaiya vekamoʼmo ani yafeʼmo avoʼmo kae maleʼniye. Ani agufa hosu yaʼmo ohaneʼnisiya nopiʼmo haneʼnisigetapa agetetapaeʼmo ataleta lapaune heyo. Yutiya kotega maiʼnisaya vayaʼmogi avelegamo apaune hetaleʼa uʼa haiʼa maiyo.

Yoni 1:41

Eʼnaluʼa uno hogoteno nepuʼamo Saimonifeʼmo kahauya huno agetenoʼaeʼmo, Mesaiya vekamo ago ageʼnove, huno ha paiʼniye. Mesaiya vekae agimo aepaʼamo Kalaisi vekamo Gotiʼa aliʼyaʼaleʼmo lekana paino ateʼniya vekamae.

Yoni 4:25

Ani a kanomoʼa hunoʼaeʼmo, ago afiʼnovana Mesaiya vekamo agiʼamo Kalaisiʼa eminenoʼaeʼmo muki ani agufa gemo laha paigiye, huno ha paiʼnigenoʼaeʼmo,

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Apa 8:30

Filipiʼa nagu nagu hununo afiyana Aiyeya Mukufiʼmo lekana nepaigeno afitenoʼaeʼmo, lekana nepaina gemo aepaʼamo afiʼnapiye, huno afi geʼnigenoʼaeʼmo,

Efasasi 5:16

Hemenimo hosu kavaʼmo nehaya afinaʼmo haneʼniyaʼmofeʼmo muki afinaʼae afinaʼaeʼmo alagepa kavakeʼmo huge huge hutapa maiyo. Fiku yanageno alagepa kavaʼmo hisaya afinatapimo hano hugiyanagi.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.